DËMTON
POLITIKA E KEQE
PA EMËRUES
TË PËRBASHKËT
NGA NEBI
DRAGOTI
Hera-herës
shikohet , se bëhet politikë e pastudiuar, politikë kalamanjsh për t’u dukur njëra
apo tjetra palë. Ka veprime politikanësh sherrxhinjsh shterp si sherret e
kalamanjve në rrugë për të cilat vazhdojnë edhe sot si refren i mbrapshtë. Bëhet
kjo që iks politikan të duket mbi të tjerët, por në fakt del figurë qesharake në opinionin e përgjithshëm.
Pjekuria është faktor determinant në dhënien e një vendimi politik me qëllim që
askush mos të ketë mundësinë për ta rrëzuar atë. Kjo mungon në politikën tonë. Ka
qënë qëndrimi më i keq politik, se nuk
ka pasur emërues të përbashkët në çështjet kryesore, kur, patjetër, për vendin
kërkohet bashkëpunim ndërpartiak. Në këtë sens kërkohet platformë e përbashkët
mirëkuptimi, madje, e sanksionuar dhe me ligj, ku në çdo rast të trajtohet me përgjegjësi
politike si detyrë parësore. Në politikën kombëtare, aq më tepër, të vendosësh
vetëm, kur ka thekshëm për zgjidhje problematikë ndërkombëtare, nuk mund të rrokësh
meritë dhe , pastaj , të rrahësh gjoksin përpara shoqërisë pluraliste. Dhe, në qoftë
se ndodh dhe e merr këtë meritë, ajo prapë mbetet e cunguar. Ky qëndrim cilësohet
si politikë e keqe shqiptare, sepse kjo edhe është e vërtetuar nëpër vite dhe është
konstatuar, se veç dëm i është sjellë Shqipërisë si në faktorin e jashtëm(në qëndrimin
e tyre ndaj nesh) po ashtu edhe në faktorin e brendshëm, në të cilin ka sjellë zhurmë,
ngërçe dhe jostabilitet. Populli ka një shprehje të artë:”Pësimi bëhet mësim”. Po kush dhe kur do të nxirret mësim?Është
e pafalshme që akoma dhe në shekullin njëzet e një politika jonë të vazhdojë po
me këtë sëmundje që na dëmton vlerat si komb, që na dëmton vizionin për të arritur
pikësynimin, që na pengon për të punuar e për të ecur krahas kombeve të tjera të
zhvilluara. Pra, politika nuk i bën
llogaritë mirë. Ajo tregohet dritëshkurtër, ngutet, nuk i parapeshon veprimet që
ndërmerr për të qënë e qartë se ku del me këto veprime të pastudiuara. Me
këtë qëndrim të gabuar politika jonë ka humbur kohë, ka dëmtuar veten dhe
vendin. Po kështu i gabuar qe dhe mendimi për
të mbajtur referendum(një fjalë goje kjo) për armët kimike, sikur nuk kishte
rrugë të tjera më efikase, më të shkurtëra pa harxhuar fonte për votimin. Çarmatimi
i armëve kimike siriane në vendin tonë zgjati shumë, në një kohë kur po të ishte
bashkëpunimi pozitë-opozitë për këtë çështje delikate, do të vendosej më shpejt
e më sakt përgjigja e pranimit “po” ose “jo” dhe zhurmë do të kishte më pak. Problemi
në fjalë i takonte gjithë vendit dhe ishte mbi politikën. Problemi mbeti enigmë
dhe veprimet e masivizimit të protestave nuk duhet të kishin marrë përmasat që morën.
Në vend që të dëgjoheshin të parët specialistët e kësaj fushe për mundësinë ose
jo të pranimit të çmontimit, në vend që të vendosnin specialistët për shkallën
e rrezikshmërisë ose jo, u la spontaneanitetit popullor të kundërshtonte pa
pasur qartësinë e duhur. As edhe drejtuesit e protestave nuk dhanë sqarime të hollësishme
se ç’janë armët kimike, si bëhej prodhimi dhe a mund të bëhej çmontimi i tyre
pa rrezikuar popullatën. Po të ishin parë drejt këto aspekte edhe paniku tek njerëzit
do të ishte më i vogël, edhe mediat e huaja do të bënin interpretimet e duhura
për problemin në fjalë. Si mediat brenda, ashtu dhe ato të jashtmet veç sensacionit
për sensacion nuk shuan kureshtjen duke dhënë informacionin e duhur sa më shkencor.
(Për sqarim:njeriu i prodhoi ato dhe po njeriu i asgjëson). E, po të ishin bërë
të gjitha këto, nuk do të kishte diskutime, ku qimja të bëhej tra dhe trau të bëhej
qime. Nga këto qime (për humor)edhe politika do të ishte më e pastër. Përsa i
takon opinionit të dipllomatëve të mbajtur, mbasi qeveria në pushtet dha
vendimin:”Jo çarmatimit të armëve kimike në Shqipëri”, shikoj se nuk ka
konstruktivitet paqësor mirëkuptimi dhe qëndrim parimor. Nuk ka arsyetim dhe
argumentim bindës pse u vendos kështu përpara opinionit botëror. Shikoj që nuk është
qëndrim emancipues duke gjykuar parimisht, tamam si për vendin e tyre në këto
reagime, duke u shprehur diku-diku se, gjoja, sipas ndonjërit dipllomat , u cënuan
të drejtat, u penguan ato, ngadalsohet integrimi etj. etj. Ky problem nuk
ka pse
të diskutohet gjatë dhe të ketë hatërmbetje nga aleatët. Në këtë atmosferë
desha të jap mendimin tim duke besuar se shprehem parimisht në të mirën e
vendit tim dhe pa i bërë keq askujt shteti në Europë a në botë. Filozofia e këtij
qëndrimi është e njohur dhe nuk prish solidaritetet ndërshtetërore. Çdo shtet
vendos vetë për vendin e tij, pa dëmtuar askënd, vetëm mjafton që vendimet të kenë
pjekurinë e duhur dhe të mirren në kohën e duhur. Prandaj dhe shtetet janë të pavarur.
Integrimi në mos ardhtë sot, do të vijë , patjetër nesër, sepse këtij vendi të vogël
paqëdashës ia ka nevojën bota. Për të sqaruar drejt këtë koncept, mjafton të sjellim
shembullin e shtetit turk, i cili akoma nuk është futur në BE dhe vazhdon të jetë
kandidat edhe pse ka një ekonomi më të mirë
e më stable nga ç’e ka vendi ynë. Ta krahasosh ekonominë turke me të Shqipërisë,
jemi goxha larg. Përsa i takon ngritjes ekonomike të vendit tonë, ky vend ka
probleme të theksuara, që kërkojnë tepër
punë për ta stabilizuar e për ta futur në binarët e duhur. Parësore e një vendi
është zhvillimi i ekonomisë me parametra të kënaqshëm social. Kjo mungon dukshëm.
Për ta arritur këtë duhet një farë kohe dhe, mbi të gjitha, varet se si punohet,
se ç’rrugë përdoren për të kapur këtë kuotë, që është edhe standarti i dëshiruar
dhe i domosdoshëm për shoqërinë tonë. Jo të punojnë të tjerët, të hamë ne!Jo të
ndërhyjnë të tjerët për t’i dhënë leksion politikës tonë, sepse jo të gjithë na
japin leksione të pastra pa pasur asnjë pikë interesi për veten. Në politikë askush
nuk duhet ta mbajë barrën vetëm. Emëruesi i përbshkët, qëndrimi solid, në çështje
delikate, që kërkojnë përgjigje, duhet të jetë përgjegjësi e përbashkët me një ndërgjegje
të lartë dhe transparente përpara popullit. Shkrimi analizë, shkrimi kritikë, përsa paraqitëm, ka vlerën e vet. Politika shqiptare të jetë e
zonja e vetes dhe të mos presim të na japin mend të tjerët. Shqiptari është i
mençur vetë.