E hene, 25.10.2021, 11:32 PM (GMT+1)

Lajme

Hoxhallarë para-historik (Video)

E merkure, 16.10.2013, 07:58 PM


Deri më tash, disa imam kosovarë e kanë pasur në thumb sjelljen e gruas shqiptare, për të cilën kanë përdorur edhe terme ofenduese. Për mënyrën se si duhet të sillet një grua së fundi ka folur edhe hoxha i Mitrovicës, Enis Rama i cili e thotë hapur që gruaja nuk është e barabartë me burrin, prandaj edhe nuk duhet të kërkojë të drejta me burrat.

Hoxhë Enis Rama, në një ligjëratë që fillimisht është publikuar në rrjetin social, youtube më 30 shtator dhe një pjesë e saj është ri-publikuar të mëkurën, akuzon gratë për mos respektim të bashkëshortit. Sipas tij “është e njohur se zakonisht gruaja është më e dobët se burri”, e cila “nuk mundet të durojë sa një burrë” prandaj ju bën thirrje grave që mos të kërkojnë të drejta të barabarta më burrat.

Ndër të tjera, Enis Rama beson se ky “degjenerim” ka ardhur nga serialet latino-amerikane, duke shtuar se gratë sot nuk e dëgjojnë bashkëshortin. “Pse me ngu burrin, du me dal, unë e dua jetën tem etj, unë mendoj se sot në këtë gjendje kemi ardhur sa gruaja e lëshon burrin, ky është diskriminim, sepse te na burri e ka në dorë shkurorëzimin”, thotë hoxhë Enis Rama. Hoxha thotë se ato gra që e mbrojnë nderin, që ruajnë bashkëshortin e tyre, ato gra hyjnë në parajsë dhe secila derë e tyre është e hapur.

Hoxha thotë se gratë para se me qenë një grua intelektuale duhet me qenë një grua e shtëpisë. Këtë “barabartësi” sipas definicioneve para-historike të disa hoxhallarëve e kanë përfolur edhe hoxhallarë të tjerë të Kosovës.

Hoxha i xhamisë kryesore të Prishtinës, Shefqet Krasniqi në një nga postimet e tij të mëhershme, thoshte se gruaja është e barabartë me burrin, atëherë kur burri punon, ndërsa ajo kujdeset për punët e shtëpisë dhe nderin e burrit të saj. Shumë më i rëndë në fjalorin e përdorur për gratë shqiptare ka qenë hoxha i Prizrenit, Irfan Salihu i cili thoshte se shumica e femrave shqiptare janë “rruspia dhe kurva”.

Të gjithë këta hoxhallarë që po e keqshfrytëzojnë paftyrësisht atë të liri të shprehjes që ekziston në Kosovë janë punonjës të Bashkëisë Islame te Kosovës e udhëhequr nga Naim Tërnava, e cila asnjëherë të vetme nuk ka ndërmarrë masa ndaj tyre. /Zëri/



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora