Kulturë
Drita Lushi: Baticë dhe Zbaticë
E marte, 13.08.2013, 09:09 PM
DRITA
LUSHI
Baticë
dhe Zbaticë
Imagjinatë në ecje…
Nuk jam puhiza
e pranverës, që na pëlqen t’na përkëdhelë mbrëmjeve, ku i gëzohemi vështrimit
të fshehur nën këmishën e natës, ndërkohë që imagjinata jonë këndon me zërin e
fshehtë të shpirtit, e koha s’kërkon asgjë si shpërblim duke na ruajtur
sekretin e ëndrrës.
Nuk jam
ditët e bardha, të cilat zvarriten e mbushen me minuta të njëjta, të
pandryshura e të gjata, që koten në të gjitha orët, duke na përçuar përgjumjen shijekeqe.
Nuk jam
orët e mbushura me fjalë shumëngjyrëshe komplimentash pa vlerë, “them e thashe”
që të thumbojnë veshët, si në ditët zhegnxehta kur gjinkallat plasin, pasi kanë kënduar këngën
zhurmuese të tyre.
Nuk jam
netët e zakonshme, ku yjet, të pozicionuar qysh kur Galaktika njohu Tokën, na
kujtojnë se jeta ështe një spirale që përsëritet.As orët e gjumit-“vdekje e
përkohshme”
Nuk jetoj
në dhoma veshur me orendi të shtrenjta, ku s’pipëtin as miza, e ku nuhatja
kërkon edhe pluhurin.
Nuk jetoj
as në ato shtëpitë me dritat e përhershme
që të verbojnë, me tavolinat ku
shandanët, pjatat e takëmet prej argjendi të shoqërojne deri në kafshatën e
fundit, ku vera shumëvjeçare është uji i ditës tënde,e mirësjellja është
binjakja e hipokrizisë.
***
Jam
qetësia e mosqetësisë sime dhe mosqetësia e qetësisë.
Nje
krater, e llavë që rrjedh.Me tutje formëzohem në një lëndinë të gjelbërt ku
aroma e barit, e dheut, më bëjnë të ndihem bijë e Tokës.
Bri saj,
një lumë i rrjedhshëm, i pastër, ku unë mundem të shoh dhe gurët pas së cilëve
lakohen puthjet e ujit.
Bëj një
pasqyrë të tejdukshme…
Marr disa
gurë nga lumi,të cilët herë-herë më rrëshqasin nga duart prej myshkut shumëvjeçar, e arrij të formoj
një hurdhë uji dhe mendimesh:
Shihem:
Jam unë!
Pak
krater,llavë e nxehtë, e ndonjë fije barblertë mbetur kurmit, kur hapat me trok
rilindës, puthnin barin e oazit, të lindur mes llavës.
Në breg
të rrjedhës së lumit,ulem e marr frymë me çdo
Qetësohem
e shqetësohem.
Shqetësohem
e qetësohem…
***
Një
ngjitje…
Shkurre,rrëpirë
pa rrugë, e lart, xhadja.
Këpucët
të rrënuara e të lodhura, vazhdojne të mbajne këmbët e mia që s’epen. Mbahem
një çast pas një shkurreje gati të tharë
e cila këputet, e une bie, rrëshqas në atë dhé përvëlues, mbushur me gurishte
si zall.
Më
mbushen këpuckëmbët e lodhura me dhé.
Ngrihem.
Mbahem në
një shkurre tjetër më të fortë dhe “op”- a, arrij të dal deri në… xhadé.
Marr
fryme thellë…
Dita
thyhet nga nata.
Nata
thyhet nga dita.
Në atë
thyrje, një tis skuq horizontin e shpitit tim ku në kapilarë ndiej t’më
vërshojë si lumë gjaku, që mu dha që në embrion nga ime më. Marr kepucët, i
shkund nga dheu, shtriq gishat e këmbës, që me dhëmbin nga rrugëtimi,e shtrihem
me fytyrë nga qielli.
Ndoshta
kam dremitur pakëz. Tashmë, gishtat jashte këpuce kanë fytyrën e tyre
origjinale e ndihen më të lehtë për të ecur drejt…
Këpucët
grisur aty- këtu e shtrembëruar i mbath përsëri e eci.
Një
shkreptimë në ag të ditës ma zë diellin.
Nga dueli
i reve, bubullimat e zhumëshme lindën shiun.
Por …
Nje ylber
më vizaton sytë.
Harroj
shiun dhe dua ta ledhatoj atë shtatëngjyrësi të brishtë, që rritet, e forcohet
e më bëhet një qiell jete mbi krye.
Eci…eci,
eci.
Deti…
Kaloj
vështrimim dhe gishtat, në buzet e tij
blu e të kripura.
I qetë i
ngrohtë, dallgëlehtë.
Ndihem e
mikluar brenda tij, aq, sa më duket se rëra murrëtohet nga ky flirtim yni.
Tani
s’kam nevojë për këpucë…
Eci
zbathur në breg, me rërë e ujëdet e s’ndiej lodhje.
Përtërihem.
Deti
tërhiqet.
Zbaticë.
Gjurmet e
mia duken qartë mbi rërë edhe në kthim, gjatë bregut ku eci përsëri.
Shoh
diellin që puth detin.
Kam kaq
dëshirë, të shoh përqafime e dashuri të zjarrta mbi këtë botë pa dashuri…
Përpiqem
të gjej përsëri gjurmët qe lashë mbi rërën e lagur…
S’janë.
Batice…Më
ka marrë brenda saj, hapat,ecjen.
Por
nesër, do ti lë përsëri…
Trazim
trupi dhe shpirti, lodhje, dihatje e frymëmarrje.
Kështu,
ndijimet e mia, hedhin lastarë të rinj rrugës me tatëpjeta e të përpjeta.
Unë s’do
të fle mbi shtrat të jetës.
Vazhdoj…
@ Drita
Lushi
Gusht/2013