E shtune, 24.10.2020, 02:57 PM (GMT+1)

Aktualitet

Kremtohet 25-vjetori i meshtarisë së pesë meshtarëve

E diele, 14.07.2013, 05:59 PM


Në Letnicë (Kosovë), në shenjtëroren ”Zoja e Madhe” kremtohet 25-vjetori i meshtarisë të pesë meshtarëve tanë.

“Falënderojmë Hyjin, familjarët, miqtë e dashamirët që na kanë përkrahur e i janë lutur Zotit për ne”

Në Letnicë me 09.07.2013, në shenjtëroren e Zojës së Madhe, pesë meshtarë tanë shënuan  25-vjetorin e shugurimit të tyre meshtarak, pra; Don Lush Sopi (Binçë), don Tomë Karrica (Velezhë), don Marjan Marku (Binçë), don Kelmend Spaqi (Velezhë) e (në mungesë) don Mato Jakoviq (Letnicë). Këta barinjë të vreshtës së Zotit kremtuan Jubileun 25 të tyre meshtarak me një kremtim solemn të përbashkët të Eukaristisë së Shenjtë, ku me këtë rast pati edhe një pjesëmarrje të konsideruar të besimtarëve nga famullia e Binçës, Stubllës, Letnicës, Velezhës... Prezent ishte edhe ipeshkvi i administraturës apostolike të Prizrenit  Imzot. Dodë Gjergji.

Në këtë jubile është dashur të jetë prezent edhe don Mato Jakoviq, por për shkaqe shëndetësore ai nuk mundi të jetë në mesin e bashkëvëllezërve të tij meshtar fizikisht, por që shpirtërisht e me lutje ishte në mesin e tyre, pikërisht ashtu siç ishte para 25 viteve me rastin e shugurimit të tyre meshtar. Shfrytëzoj rastin që t’ju ftoj të gjithëve në lutje për të gjithë këta meshtarë, që Zoti t’i përcjell edhe më tutje në rrugën e tyre të shenjtë meshtarake, e në veçanti të lusim Zotin për shëndetin e don Mato Jakoviq-it, që të mund të vazhdojnë përkushtimin e tyre sikur deri më tani në shërbim të Zotit dhe grigjës së tij.

Në fillim të Meshës Shenjtë, në emër të jubilarëve Don Tomë Karrices, Don Kelmend Spaqit, e Don Marjan Markut  të gjithë të pranishmit i përshëndeti don Lush Sopi ku në rend të parë përshëndeti ipeshkvin Imzot Dodë Gjergjin, meshtarët dhe motrat e nderit, kryetarin e Gjakovës z. Palë Lekaj, deputet të parlamentit të Kosovës si dhe përfaques të institucioneve të ndryshme të Republikës së Kosovës, institucionet karitative me të cilat këta meshtar edhe bashkëpunojnë në famullitë e tyre, pastaj përshëndeti institucionet arsimore me të cilët kanë një bashkëpunim të ngusht në vetdijësimin dhe ngritjen e nivelit të arsimit në vend. Poashtu përshëndeti dhe iu falenderuar edhe prindërve dhe familiarëve të meshtarëve për përkrahje e lutje të vazhdueshme në rrugën dhe punën e tyre meshtarake, këtu në mënyrë të veçanti ceku rolin e prindërve e në veçanti të atyre që tanimë nuk janë në këtë jetë, por që edhe nga amshimi përcjellin bijtë e tyre me lutje e bekime.

Përshendeti përzemërsisht edhe të gjithë besimtarët, miqtë e dashamirët, të gjithë të pranishmit nga të gjitha famullitë e Kosovës. Nuk harroi të përshendet dhe falenderoj edhe famullitarin e Letnicës, Don Kristë Gjergji-n por nuk harroi për t’iu falenderuar as koritë të famullisë së Binçës në krye me famullitarin e tyre  Don Aleksander Kola. Krejt në fund, don Lush Sopi, falenderoj stafin e radio Marisë, të cilët transmetuan këtë Meshë, si  dhe të gjithë dëgjuesit e saj.

Mesha e shenjtë e udhëhequr nga meshtarët jubilar në bashkëmeshim me shumë sivëllezër të tjerë meshtarë (thuajse të gjithë meshtarët e ipeshvisë) u përcoll me një përshpirtëri të madhe, me lutje e këndim engjëllor që të ipte përshtypje se je në një botë tjetër, botë shpirtërore. Gjatë meshës së shenjt pretkun e rastit e pati don Marjan Marku, i cili në mënyrë të shkëlqyer, gjuhë të kapshme, fjalë të përzgjedhura, shtjelloi disa aspekte lidhje me thirrjen, punën dhe dërgimin meshtar. Mbi rolin e meshtarit dhe Jezusin si dhe rolin e Zonjës Mari në jetën e meshtarit ku si shembull të meshtarisë mori përkushtimin, devotshmërinë, përshpirtërinë, jetën e shën. Gjon Viane (për më tepër shih. në portalin tonë www.famulliabinqes.com  keni të tërë predkun e don Marjanit).

Në përfundim të Meshës fjalnë e mori Imzot Dodë Gjergji, ipeshkëv i cili falenderoi pesë meshtarët për punën dhe kontriboutin e tyre të jashtzakonshëm gjatë këtyre 25 viteve të jetës së tyre meshtarake duke i shërbyer Zotit dhe popullit me tërë qënien e tyre. Dhe gjatë përfundimit të fjalimit ishte vërtetë emocionuez dhe i prekshëm momenti kur ipeshkvi duke folur për duart e meshtarit që pagëzojnë, shugurojnë, bekojnë e ndajnë sa e sa bekime, ai krejt në fund shkoi dhe puthi këto duar të shenjta, të shuguruara, puthi duart e meshtarëve jubilar. Vërtet ishte ky një moment i jashtzakonshëm dhe emocionues për meshtarët dhe të gjithë të pranishmit.

Vlentë të cekët se lëmosha e tubuar në këtë meshë të shenjte qe dedikuar të varfërëve.

Pas Meshe ishin të  ftuar të gjithë në një drekë të përgaditur modeste, por shumë vëllazërore siç ishin të gjitha momentet këtë ditë.

Edhe ne famullia e Binçës, rinia në veçanti urojmë përzemërsisht meshtarët Jubilar, jubileun e tyre të 25 që nga shugurimi i tyre meshtarak. Lusim Zotin që meshtarët tanë të kenë në rend të parë shëndet të mirë dhe jetë të gjatë, lusim për punën dhe përkushtimin e tyre që Zoti t’i përcjell edhe më tutje me hire dhe bekime.

“Falënderojmë Hyjin, familjarët, miqtë e dashamirët që na kanë përkrahur e i janë lutur Zotit për ne”, shkruan në fletëthirrjen ftesë të tyre. Gjtihësesi edhe ne falenderojmë në rend të parë Hyjin, prindërit që na dhuruan këta meshtar të devotshëm duke i porositur të luten dhe kujdesën gjithnjë për ne.

Përgatiti;

Vilson Marku

 Korrik’ 2013



(Vota: 5 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora