Përparim Hysi: Referencë

Referencë

" Elegjia e Marienbadit "   *

Nga  Përparim Hysi

E shkroi Gëte "Elegjinë e  Marienbadit"

E shkroi... e  qau me lotë

S'i  bëri dot ballë tufanit

Poeti Madhështor si Zot !

Ra brënda si një adoleshent

Sado që qe mbi  7 dekada

Jo. Poeti për  asgjë nuk pyet

Ka zënë retë e bardha.

Tufani lisin e përkuli

( A nuk qe Gjeniu lis ?! )

Dy këmbët në një këpucë ia vuri

Urlika që qe si Miss.

Urlika qe 19- vjeçare

Ta shihje: si trëndafil !

Poeti pleqërinë s'e përfill fare

Përtërirë: është kthyer bandill.

U zgjuan ndjenjat e tulatura

Çastet intime si  me "racion"

Nëpër vargjet shihet e "vuajtura"

Nga një dashuri mbushur pasion.

Dhe të vjen keq, kur dashuria

Ndërpritet, natyrshëm, me lamtumirë

Prej kësaj lindi elegjia

Që pasi e lexon, nuk ndihesh mirë.

Dorëzohet poeti dhe shkruan me DorëZoti :

::::::::::::::::::::::::::::::::::::::::::::::::::::::::

" Më sjell përqark dëshira kot së koti

S'më mbetet tjetër veç  kjo çurgloti... "

* Elegjia e Marienbadit" e shkruar në shtator 1823 kur Gëte qe 74 vjeçar.

Tiranë,   8 qershor 2013