Kulturë
Vjollca Pasku: Cikël poetik pranveror
E hene, 15.04.2013, 06:45 PM
CIKEL
POETIK PRANVEROR
Nga
Vjollca Tiku Pasku
MIRË SE
ERDHE PRANVERË
I gjelbër
argjendi i pushit të barit te njomë,
e kaltër
fryma e argjendtë e qiellit kur qesh,
e kuqe
flaka e argjendtë e yjeve kur nata ndez,
e bronctë
puthja argjendë e horizontit në mugune vonë.
Pa ngjyrë
buisin flatra të vogla në farëza nektari,
fluturojnë
në përkundjen e dredhkave të erës,
adrenalinën
ndjejnë para se të mbijnë filizat e jetës,
toka
mbushet me kurora lulesh të sapoçelura behari.
Kashta e
reve digjet përgjumur nga dielli që hesht,
rrezet
veshin shik, kostumin e grunjtë rinor,
përkëdhelin
lehtas foletë e zambakëve liqenor,
elipsi i
pranverës jehon kudo me puthjen e blertë.
Muskujt e
pemëve lëshojnë drita bistakësh,
sythat
çelin rubinët e parë me afsh parfumues,
harmonika
e pranverës luan me gishta ngjyrues,
pah i
luleve ngrihet në lartësi nga krahë endacakësh.
E
argjendtë ngjyra e cicërimave që mblidhet në diell,
e
argjendtë dridhma e retinave në rrjetat e bebezave të zogjve,
e
argjendtë drita e mëngës së hënës kur fshin retë e lotëve,
i
argjendtë bekimi i engjëjve “lulëzo pranverë” në qiell.
ODE PER
LULET
Oh lule
ju lindni nga,
puthja e
ëmbèl e pranverës,
petalet
tuaja vezullojnë
një copë
diell, një cope hënë ,
një varg
ylberësh ….
Me duart
e mija ju përkëdhel ,
si
mëndafsh i butë, push ëngjëjsh ,
fryma
juaj, parfum i qiellit.
Përkundni
shtatin si balerina
nga
flladi i fresket
i qumshit
të bardhë ditëve
për të
erëmuar njerzit.
Luleborë
Dëbora për të
mos u tretur,
përpiu frymën e shenjtë të
pranverës,
i
mori disa deje
jeshile,
dhe fryu
shkumën e bardhë
sferike.
Dëborë e
qelqtë e mëndafsht petalore,
vezulloi
gjinjtë e pranverës,
ngadalë
hapi buqetën e parë,
aromë
lëshoi nga spiralja e fshehur.
Oaz i
bardhë me origjinë qiellore,
puthi
buzët me nektar të fluturave,
i mori
ngjyrat dhe ndërrohet,
e bukura,
pelegrine midis qiellit dhe tokës.