Kulturë
Drita Lushi: Valixhja e shpresës
E shtune, 13.04.2013, 03:22 PM
DRITA
LUSHI
VALIXHJA
E SHPRESËS
(Cikël
poetik)
UNË JAM
JETA
U rrita
me hijën tënde,
qenie e
padukshme,
errësirë.
Nëse ti
ndenje me mua,
unë nuk ndenja me ty,
errësirë.
Hija
përpiqet t’më kontrollojë ditët,
por unë
ndjehem e lirë prej teje,
errësirë.
Shpirti
im, qenia e trupi,
përqeshin
pushtetin tënd,
errësirë.
Lërmë të
lirë!
Unë në
fluturim me zogjtë
shoh
botën,
Lirinë …
Unë shoh
…
Ti
vazhdon të më lidhësh
me pranga
fjalësh,
po unë
jam e lirë.
Më kot
përpiqesh me mua,
humnerë
shpirti,
armik i
dëshirave.
Unë jam …
Nuk dua
t’ia di në je ti.
Unë jetoj
dhe në
mos jetofsh ti …
Unë jam
...
Jeta .…
VALIXHJA
E SHPRESËS
E lodhur
nga dita,
dërrmuar
nga pritja bosh,
mora
valixhen me shpresa të vrara,
me
shpresa të fjetura,
e … dola
…
Eca
natën.
Të zgjoja
doja shpresat e mia,
t’u jepja
frymë jete,
të më
jepnin ajrin e mëngjesit ....
Ecja …
Yjet ne
qiell dhe shpresat në valixhe,
më bënin
shoqëri ,
Hëna më
qeshte me trishtim të verdhë.
Ecja me
rrugë e pa rrugë,
valixhen
mbushur me shpresa,
që
prisnin zgjimin …
Eca …
Eca …
Eca …
Agimi
udhës më zgjati dorën.
Dielli
derdhi rrezet e mëngjesit.
Dita më
veshi mantelin e bardhë.
Shpresa u
zgjua me mua nga puthjet e diellit,
e unë,
mysafire në shtratin e tij të artë.
Për
shtrojë, mbulesë e veshje
kisha ….
Shpresën
time.
Shpresën
time zgjuar!
FATI
Shpesh
fati luan me ne,
si të
ishim një rreckë,
një top
për t’u gjuajtur,
si të
ishim një film pa zë .
Ç’të dojë
ai bën me ne!
Shpesh
fati me bërryla
na shtyn;
të tjera
herë shqelma
na hedh;
në kthesa
shpesh
na
përplas;
në
labirinte sa herë
kurthe
ngre,
ky fat
zevzek!
Ç'te dojë
ai bën me ne!
Shpesh fati
nuk di të qeshë,
veç lot
na vë në sy,
trishtimin
ujit me mërzinë gri
e ne s’na
mbetet tjetër,
veç t’i
jepemi atij.
Mbi
pushtetin e tij
dua të
ngrihem,
luftë t’i
shpall,
a duel të
bëj me të,
do kërkoj
një shteg t’i shpëtoj
të ligut
fat,
ku e lirë
të ndjehem
e pa
frikë të bërtas:
Ej !
Do luaj
unë me ty tani !
NJË PIKË
LOT
Një pikë
loti rrëshqiti
mbi
faqen e vajzës,
një pikë,
veç një.
Në atë
pikëz
një det i
kripur dallgëzoi,
një burim
alpin
rrodhi
zhurmëshëm,
një
gëzim pashë
veshur me
vesë mëngjesi.
Një pikë
loti rrëshqiti
në faqen
trëndafil të vajzës
dhe …
foli ai me zemrën
me gërma
lumturie.
Një pikë
loti i përkëdheli
faqen e
trëndafiltë vajzës
e,
ndjeva
puhizën e lehtë
të
përfshihej nga era zemërake,
që
kapërthehej me krahë oktapodi.
Një pikë
loti rrëshqiti
në faqen
trëndafil të vajzës.
Pashë
shpresën e mbjellë në të,
buzëqeshjen
e ndrojtur
mes
besimit e dyshimit.
Një pikë
loti pashë …
Pashë
kripën të thahej,
nata të
çelte diellin,
gëzimi të
përqafonte
lotin.
Një pikë
loti, një pikë ....
Pashë
veten.
Të pashë
ty.
Pashë
botën në një pikë lot.
Një det
ndjenjash dallgëzonte -
loti
përmbi botë.
MOS HIQ
DORË
Je
vyshkur, edhe pse moshën e lules ke;
ngjyrat
t’janë zbehur pa ardh’ akoma
vjesht’ e
viteve të tua.
Mundohesh
të mbulosh me pudër
zhgënjimin,
dhimbjen,
lodhjen …
Ik nga ky
ferr!
Trupi yt
i bardhë, si skulpturë e ngrirë,
ndanë
semaforëve të kuq,
ndalojnë
e ndalojne pa pushim
të
babziturit e skulpurës tënde.
Dhe sa të
tjerë do të presësh?!
Dhe sa të
tjerë do të vijnë?!
Ik nga ky
ferr!
Trotuaret
mat me hapa, tutje - tëhu,
dhe nata
e i ftohti,
semaforët
dhe i nxehti,
janë
miqtë e tu.
Bëj mik
vetveten!
Ik nga ky
ferr!
Paratë
t’i hodhën ndër këmbë
e
pështynë mbi ty dhe mbi to,
bënë
ç’deshën me ty,
qenie e
brishtë.
Vallë u
lumturove që munde të blije
peliçen e
shtrenjtë?
Do mundet
dot ta mbulojë ajo
trupin
tënd të lodhur?
Do munden
paratë të ujisin
shpirtin
tënd të tharë për dashuri?
Largoju ferrit!
Përqeshi
trotuaret,
semaforët,
dhe
ndërto një kopsht
me
djersën tënde.
Mbill një
jetë e re.
Është
gjithmonë e mundur.
Duhet!
Mos hiq dorë!