E enjte, 28.03.2024, 11:32 AM (GMT)

Shtesë » Lajme

Ekzekutimi mesjetar në Arabinë Saudite

E shtune, 30.03.2013, 08:27 AM


Ndonëse në shekullin e XXI, Arabia Saudite vazhdon të ndjekë metodat mesjetare në ndëshkimin e veprave të rënda penale.

Kështu, një vrasës u ekzekutua ditën e premte me prerje koke, por trupi i tij i pajetë më pas u kryqëzua dhe u përdhos në një shesh publik.

Lajmi për ekzekutimin e shtetasit jemenas Mohammed Rashad Khairi Hussain u njoftua nga vetë ministri i Brendshëm.

Krimi i Hussain ngjalli revolta kombëtare në Arabinë Saudite, pasi sipas akuzës, ai përdhunoi dhe vrau një pakistanez, Pashteh Sayed Khan.

Secili prej këtyre dy krimeve është i dënueshëm me vdekje në Arabinë Saudite. Jemenasi u shpall fajtor edhe për grabitje dhe disa krime të tjera më të vogla.

Ndonëse është kritikuar ashpër për metodat e ekzekutimeve, vendi më i madh eksportues i naftës në botë nuk është tërhequr dhe vetëm në tre muajt e parë të 2013-s, janë ekzekutuar me prerje koke 28 persona.

Megjithatë, disa zyrtarë sauditë kritikuan më parë gjatë marsit ekzekutimin e kësaj forme, duke sugjeruar atë me pushkatim.

Gjithsesi, propozimi i tyre nuk lidhej me arsye humanitare, por me vështirësitë dhe kostot e mëdha të trajnimit dhe formimit të xhelatëve.

Një vit më parë, në Arabinë Saudite, 76 persona u ekzekutuan me prerje koke me shpatë, në ekzekutime që zhvillohen në publik. Ky lloj ekzekutimi, së bashku me gurëzimin në rastet e krimeve morale, janë dy format e realizimit te denimit me vdekje ne vend.

Këto ekzekutime publike, pavarësisht mizorisë së tyre, konsiderohen një mënyrë efikase e parandalimit të krimit në Arabinë Saudite. Në bazë të ligjit islamik, të dënueshme me vdekje janë veprat penale si vrasja, përdhunimi, blasfemia, grabitja e armatosur, tradhëtia bashkëshortore, tradhëtia ndaj mbretit dhe trafiku i drogës.



(Vota: 0)

Komentoni
Komenti:

Video

Qazim Menxhiqi: Niset trimi për kurbet


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora