Pjetër Domgjoni: Krajli i Shqipnisë

Pjetër Domgjoni

KRAJLI I SHQIPNISË

Ky vaj asht  ba në ditën e vdekjes  së Preng Bib Dodës (në foto) prej Gjeles së Frrok Matës së Gomsiqës në Shkodër 1919.

Mbledhun  prej Atë Shtjefën Gjeqovit.

Ne po rrimë pa za

Se reja e madhe na ra

Se ke kenë pasha i Shqypnisë

Ke kenë pasha i bajrakve t'Mirdits

Pesë Bajrakë me sodet i ke rrxue

Emni i Mirdits me sodet ka mu harue

Por ne mos u idhnojshin sod pak

Ata mos laqin djal n'oxhak

Deken tande në breg të Mates kush se ka prit

Me katër vetë at ditë se të kishin mytë

Se gjithëherë  ke hec me djelmni

Tash disa vjet tuj u përpjek për Shqipni

Por mos të madhnohet aji qi  t'ka vra

Se s'ka ra n'gjak si çdo gjak

Pse ka vra ma t'parin oxhak n'pes bajrak

Pesë bajrakëve sot po u them një fjalë

T'mos u dhimet të tanve ka i djal

Me que me dek për nder e për hall

Se Mirdita përnjëmend posht ka ra

Por gjithmon larg asht ndie me za

Ku ka ra gjithmon ka lan nam

Në lufta të largëta gjithmon ka shkue

Dera jote gjithmon i ka que

Ma t'parët n'luft ata kan ra

Me faqe t'bardh gjithmon jan da

Ma s'pari  i jot ka met n'kala

Ti s'ke ken një oxhak i xanun vonë

Por ke kenë oxhak i ken gjithmon

Te krajlat e mreti e keni pas zan

Se zoti ju pat fal nishan

Gjithmon ju desht e ju aviti mreti

Ju preku petkat e ju vu nishan si veti

Se besa për princ si ke kenë

Ke hjek ditën e sikletit

Ke shkue jetën në shpinë të detit

Tridhjet e disa vjet ke ndej i tretun

Sarajet tueja gjithmon i ke dëshirue

Nanë e motër për të gjallë të kanë lotue

Por kur t'shkojsh mram n' at fushë të gjan

Tash të qohen të gjithë në kambë

Tash të qohen të tan temenan

Tash të dalin para babë e nanë

Ata tash të bertasin ndo i fjalë

Ti Preng si ke lanë oxhakut djal

Sarajet tueja me robt i ke rrënue

Djelm e rrogtar i le shkretnue

Tash nuk po të vajtoj veq ty

Por po vajtoj edhe kët Shqypni

Se për te sod e në bajrak të zi

Dij qi u ba në vrasë tënde hiletar

Aj mos u vuftë kur n'farë.