E marte, 12.11.2019, 09:57 PM (GMT)

Sporti » Futbolli Shqiptar

Shqipëria mposht Norvegjinë

E premte, 22.03.2013, 07:08 PM


Kombëtarja shqiptare e futbollit ka arritur një fitore shumë të rëndësishme në transfertën e vështirë të Norvegjisë. Kuqezinjtë kanë mundur me rezultatin e ngushtë 1-0 skandinavët me golin e shënuar nga Hamdi Salihi.

Me këtë trepikësh, Shqipëria ngjitet në vendin e tretë të grupit E, me pikë të barabarta me Islandën (9 pikë).

Kombëtarja jonë zhvilloi një ndeshje shumë të mirë në një terren të vështirë dhe shënoi golin e vetëm të takimit me një skemë të interpretuar në mënyrë të përkryer.

Ervin Bulku luajti shkurt një goditje dënimi kur të gjithë prisnin krosimin dhe Salihi u shkëput nga markimi duke goditur fuqishëm aty ku bashkohet shtylla me traversën e duke mos i lënë asnjë shans portierit norvegjez.

Në ndeshjen tjetër të grupit E, Islanda fitoi 2-3 në fushën e Sllovenisë dhe tashmë renditja e grupit ku bën pjesë edhe kombëtarja jonë është e tillë:

Renditja:

Zvicra 10 pikë

Islanda 9

Shqipëria 9

Norvegjia 7

Sllovenia 3

Qipro  3



(Vota: 3 . Mesatare: 5/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT