Xhemail Peci: Dora e Shqipërisë të bie mbi ballë

SI NJË VEGIM I BARDHË, DORA E SHQIPËRISË TË BIE MBI BALLË

“O ZOT I MADH E I PLOTFUQISHËM, MERRI NË KUJDESTARI SHPIRTRAT E SHËRBËTORËVE TË TU DHE MBAJI NË PARAJSË. TË LUTEM O ZOT! DËGJOMA LUTJEN TIME, O ZOT I PLOTFUQISHËM PËR SHPIRTAT E TYRE” - LASGUSH PORADECI

NË PËRKUJTIM TË MËSUESIT DHE ATDHETARIT ZEMËRZJARRTË, SHABAN SHALA, NGA LETANCI I LLAPIT, I LIKUIDUAR NË LULEN E RINISË E NË QELITË E BURGUT TË PRISHTINËS, ME 20 JANAR 1963.

Nga Xhemail Peci

Më e butë se shiu dhe pikat e shiut, më e butë se buqetat me lule të mirënjohjes së popullit dhe admirimit të shokëve, më e butë se kurorat me lule, se puthjet dhe lutjet, më e butë se harku i fluturave rënë përmbi supet e tua me Nëntorët e Shqipërisë, më e butë se kujtimet që thërmohen ende për Idealet e Lirisë, më e butë se tufët e kuqe të trëndafilave, më e butë se Toka Nënë që të lindi e të rriti – Pinjoll i Breznive Orëmira, më e butë se ninulat që në Bekimin e Qumështit mbollën Dashurinë për Shqipërinë, më e butë se Dora që ra mbi Djepin, më e butë se Pranvera që erdhi në rrugët e në shtigjet e hapave tu, më e butë se Dora Jote që ra mbi Flamur kur e Ideove dhe e Themelove Organizatën Politike “Shlirimi i Shtetit Shqiptar Nën Flamurin Kuqezi’, më e butë se Dora Jote që në Bardhësinë dhe Përjetësinë e Saj mbajti Ditarin e Mësuesit në Dorë, më e butë dhe më e bardhë se çdo dëborë që bie si një vello nusërie e Lirisë së Amshuar Nëntor për në Nëntor, më e butë se Lutjet dhe Bekimet tona për Pavarësi të Shqipërisë në 100 vjetor – në Vlorë, më e butë se këngët e se kindet e fustanellave që në tufët e opingave të Levendëve të Lirisë së Shqipërisë tjerrin vetëtimat e Qiellit të Përflakur si Parathëniet e Ardhmërisë sonë si komb, më e butë se bukurshkrimi që si një Pergament Gjaku për të gjitha Breznitë Orëmira – rodhi në traktet politike që shkrove e në thirrjet ideologjike që hartove, në platformën politike që e projektove aq qartë dhe aq zjarrtë; më e butë se gjuha lirike e poezive dhe e poemave që mblodhe si tufat me lule, më e butë se ëndrra që thure e shthure si një psherrëtimë shekujsh mbledhur frymëzimeve djaloshare, më e butë se trëndelinat e Gjirokastrës në vargjet e Andon Zako Çajupit e më e butë se lulet në vargjet e Poemave të Naimit, më e butë se afërsia e jote me shokët dhe profecia  për të ardhmen e kësaj toke, më e butë se një botë e tërë lulesh e më e butë se psherrëtimat e Zemrës Sate, më e butë se shtegu i mallit e shtegu i malit tek rendje mbledhjeve dhe organizimeve politike e ideologjike, më e butë se ai hapi yt i hijshëm ‘Në Një Cep të Ilirisë së Moçme’, më e butë se Fjala jote e ëmbël për Ardmërinë dhe për Lirinë tonë e për të nesërmen tonë, më e butë se një yllësi fjalësh kur si në një qëndismë margaritarësh ligjëroje për Shqipërinë e të Gjithë Shqiptarëve, më e butë se e kaltërta e Qiellit, më e butë se rrezet e Diellit, më e butë se këngët e prillit e më e butë se një puhi ledhatare përmbi fletët e trëndafilit, më e butë se kënga e zogjve përmbi Shkronjat e Emrit Tënd, më e butë se meloditë e kanarinave rënë përmbi pagëzimet që na i le trashëgim, më e butë se Shiu i Shpirtave të Shtrenjtë që iu falen një Shqipërie siç iu falen dhe një Perëndie, më e butë – si një Vegim i Bardhë, Dora e Shqipërisë të bie Mbi: BALLË, të vie dhe të bie Gjakimi i Shenjtë i Lirisë së Shqipërisë, që Prehje gjenë e Frymëzimet ngjallë si një Zjarr i Valë, përmbi Shkronjat e Emrit Tënd kur u bëre Fli për Flamur e për Shqipëri, e mbete Një Himn i Gjallë Lirie; SI NJË VEGIM I BARDHË, DORË E SHIQPËRISË TË BIE MBI BALLË, E TË LARTIN EMËR, TA THËRRET SHQIPËRIA ME GJITHË ZEMËR: SHABAN SHALA. TË THËRRET TY, SEPSE NË EMËR KISHE SHQIPËRINË, SEPSE EDHE NË MBIEMËR SHQIPËRINË KISHE, SEPSE SY DHE SHPIRT SHQIPËRINË E KISHE, DHE SE SY DHE SHPIRT, MENDJE DHE ZEMËR, DASHURINË PËR SHQIPËRINË NA LE, DHE SE NËN FIRMAMENTIN E PASHKO VASËS SI NJË ZJARR I SHENJTË ATDHEDASHURIE VEPROVE E QËNDROVE, KUR PËRPARA ATIJ FLAMURI QË NGA BALLI YT IU SHTUA NURI, U BETOVE PËR SHQIPËRINË DHE PËR KOMBIN SHQIPTAR:

“URDHËRAT E NDËRGJEGJËS KOMBËTARE, LE TË NA VIJNË PËR KRERË, DHE TË NA BINDIN PËR USHTARË”. NDAJ EDHE SI NJË VEGIM I BARDHË, DORË E SHQIPËRISË TË BIE PËRMBI BALLË: SHABAN SHALA…