Demir Krasniqi: Dhuna familjare

Parodi:

DHUNA FAMILJARE

Teksti dhe muzika: Demir Krasniqi

Pula Larë , në kamë na u que ,
Te ndërkombëtarët paska shkue ,
Me lypë ndihmë e me u ankue –
Prej kësaj dhune  për  me i pështue !

Lajmëroi forcat ndërkombëtare –
Pasha Zotin, po m’ vjen marre ,
Por,  pa ardhë nuk pata çare ,
T’ lajmëroj   dhunën  familjare !

Kur ka shkue  në  zyrë  t’ UNMIK-ut,
Po u  qanë dert si mikja – mikut –
Knojsit  tanë janë que  në kamë ,
Vend për s’ gjalli s’ donë me na lanë !

Kur ka shkue  n’ zyrë  t’ EULEKS-it ,
Mezi fliste prej kompleksit !
Me ba  Knuesi  me m’ hetue –
Kryet  ka me ma shkurtue !

Pastaj shkoj në  OSBE ,
Ja ka nisë e po u banë be –
Burrat tanë na banë verem ,
Na e kanë ba shtëpinë –  harem !

Paska shkue  Pula në KFOR –
Unë kam  ardhë me qajtë   nji  zor !
Zoja e shpisë po na qet grunë –
Burrat tanë po ushtrojnë dhunë !...

Po  na ndjekin  nëpër oborr ,
Po na i marrin kokrrat me zor !
Na dhunojnë , na banën horë ,
Kurrfarë drejtash nuk kemi n’ dorë !

Po na ndjekin deri te  talla ,
Po na shohin krejt mahalla !
S’ guxon kush me ua prishë qejfin ,
Se krejt pendlat do t’ na i rrjepin !

Burrat tonë po këndojnë si grek ,
Paskan lidhë kontratë me KEK !
Kur ta ndalin KEK-u, rrymën –
Burrat tanë po na e nxanë frymën !

Burrat tanë po e shfrytëzojnë terrin –
Po na e sjellin krizën , tmerrin !...
T’ gjitha  kokrrat po na i  vjedhin ,
Krejt ushqimet po na i  mbledhin !

Ndërkombëtarët çka kanë veprue –
Tribunalin e kanë formue !
Kanë qitë  knojsit  me i gjykue –
Gjithë këto pula që i kanë dhunue !

Dënim t’ randë iu kanë shqiptue ,
Zojën e shpisë e kanë urdhënue –
Kokat  n’ cung me ua shkurtue ,
Krejt n’ tepsia kanë përfundue !