Poezi nga Engjëll Koliqi

Engjëll Koliqi

 

PROVOJMË DHE VENDOSIM

 

Për çdo sfidë

Për çdo situatë

Më parë

Me shumë kujdes

Njëherë provojmë

Pastaj vendosim

Për të vallëzuar

Në të bukurat valle

Të dashurisë

                        Milano, 14 maj 2011

 

SIPAS BINDJES

 

Vazhdojmë marshimin

Dhe përmbushim plotësisht

Misionin e bekuar

Të dashurisë

Përpara!

                        Milano, 14 maj 2011

 

BRENDA KONTESTIMEVE

 

Shumë interese fshehen

Shumë qëllime

Krimet përgatisin vallet

Mund të plasin sherret

Deri në tragjedi

                        Milano, 14 maj 2011

 

VAZHDON PRAKTIKA E VJETËR

 

Nuk ndalen ata

Edhe sot vazhdojnë

Me praktikën e vjetër

Drejt intereseve të fëlliqta

Që përmbushen me krime

Urojmë nga zemra –

-

Dashtë i Madhi Zot

Të mos arrijnë

Deri në tragjedi

                        Malpensa (aeroporti i Milanos), 14 maj 2011

 

SI GJITHHERË

 

Derisa ata janë gati

Për vjedhje

Dhe krime të mëdha

Ne jemi të përkushtuar

Dhe të betuar

Vetëm në dashuri

                        Malpensa (aeroporti i Milanos), 14 maj 2011

 

AFËR FUNDIT

 

Në procesin e ndërlikuar

Të zgjeshjeve

Janë afër fundit

Dhe më s’do të mund të bëjnë gara

Në shtimin e krimeve

Përfundimisht

                        Malpensa (aeroporti i Milanos), 14 maj 2011

 

S’KORRUPTOHEMI NE

 

Sido që të jetë gjendja

Dhe çfarëdo qofshin

Intereset

Ne jemi të vendosur

-

Kurrë s’korruptohemi

As nuk pranojmë kurrëfarë kushtëzimesh

Jemi të paepur

Dhe shumë të vendosur

Për t’i kontribuuar

Vetëm dashurisë

                        Aeroporti i Tiranës në Rinas, 14 maj 2011

 

VIJËZIMEVE TË PARA

 

Mesazhe kushtrimi

Të dashurisë

Kam lexuar

Dhe jam çelikosur

Për të mos u ndalur kurrë

Në misionin e bekuar

                        Aeroporti i Tiranës në Rinas, 14 maj 2011

DUHET TA DINI

 

Në këtë botë të dashurisë

Vetë unë e mbretëresha ime

Jemi kompetentë

Të komandojmë

Dhe ashtu do të bëhet

Sot e në amshim

Sepse froni

Është i yni

Dhe vetëm i yni

                        Aeroporti i Tiranës në Rinas, 14 maj 2011

GJITHNJË DASHURIA

 

Nuk pyesim rreziqe

As kërcënime

Në regjimin tonë

Gjithkund e gjithmonë

Vendosë e vepron

Dashuria

Dhe vetëm dashuria

                        Aeroporti i Tiranës në Rinas, 14 maj 2011

DERI NË PIKËN E FUNDIT

 

Do të arrijmë

Krenarë

Dhe ngadhnjimtarë

Të së lumes dashuri

Pa e lëshuar kurrë

Flamurin e mirësisë

                        Aeroporti i Tiranës në Rinas, 14 maj 2011

ECIM SHPEJT

 

Në rrugën e sigurtë të dashurisë

Ne ecim shpejt

Dhe krenarë

Drejt amshimit

                        Aeroporti i Tiranës në Rinas, 14 maj 2011

NË KODRAT E DASHURISË

 

Freskohemi dhe forcohemi

Për të vazhduar gjatë

Marshin e mirësisë

Deri në amshim

-

Gëzuar!

                        Tiranë, 14 maj 2011

 

DUHET TË KUPTOJMË

 

Secili mund t’i gjejmë

Dhe t’i realizojmë

Intereset personale

Vetëm nëse

E kemi realizuar mirë

Dhe me sukses të plotë

Interesin e përbashkët

!!!

                        Tiranë, 14 maj 2011

POROSIA E PARË

 

O njerëz vullnetmirë

Të mbretërisë sime

Dhe të mbarë botës

Dëgjojeni

Pranojeni

Dhe zbatojeni

Nga mbreti juaj

Të parën porosi

Pa humbur kohë

Angazhohuni

Të gjithë bashkë

Në t’ëmbëlën

Dhe të shenjtërueshmën

Dashuri

-

Gëzuar!

                        Tiranë, 14 maj 2011

SHPRRESA TË REJA

 

Në këtë stinë të këndshme dashurie

Kam shpresa

Dhe bindje

Se unë me mbretëreshën

Do i japim shumë

Mjalt dashurie

Njëri-tjetrit

Shpresoj të shkruhen në histori

Me germa t’arta

Çastet e lojës sonë

Të dashurisë

Po

Shpresoj

Në njëmijenjë mrekulli

                        Tiranë, 14 maj 2011

KËTU NË TIRANË

 

Shumë gjëra mësohen

Dhe përjetohen

Që nga dashuria

Deri në krijimtari

                        Tiranë, 14 maj 2011

PËRGATITUNI!

 

O njerëz vullnetmirë

Përgatituni

Sepse mirësia na thërret

Të nisemi menjëherë

Në misionin e dashurisë

Përpara!

                        Tiranë, 14 maj 2011

PASURI DASHURIE

 

Gjithçka duket bukur

Dhe vezullueshëm

Në mbretërinë tonë

Sepse gjithçka është veshur

Me të bekuarën dashuri

Gëzuar!

                        Tiranë, 14 maj 2011

INTERESE TË PREKURA

 

Mrekullisht

Dashuria ka pushtuar

Kushtetutën e mbretërisë sonë

Medet

Janë prekur intereset e tyre

Të fëlliqta

Të gjorët

S’e çajnë më kokën

Si vjet

...

                        Tiranë, 14 maj 2011

ME GJUHË DASHURIE

 

Jemi gjetur me mbretëreshën

Jemi marrë vesh

Gradualisht jemi ngrohur

Dhe tani

Me të drejtë presim

Ëmbëlsitë më të këndshme

Të mrekullisë

Përpara!

                        Tiranë, 14 maj 2011

JAM MBI KOKËN TËNDE

 

Gëzohu mbretëreshë

Më prit krahëhapur

Mbi kokën tënde jam

Në fluturimin e parë

Të ëndërrave tona të përbashkëta

Të dashurisë

-

Gëzuar!

                        Tiranë, 14 maj 2011

EDHE NJË HERË

 

Megjithëse më gënjejnë shpesh

Unë ende po besoj

...

Edhe një herë sot

Më kanë gënjyer

Dhe mashtruar...

                        Tiranë, 14 maj 2011