Mendime
Arlind Selmani: Mbaruan rrenat dhe ranë maskat
E premte, 14.12.2012, 06:33 PM
Mbaruan rrenat dhe ranë maskat
Nga Arlind Selmani
Pas
vendimit të Bashkimit Europian që Maqedonisë mos ti jepet datë për fillimin e
bisedimeve për aderim në Bashkimin Europian dhe deklarimeve të Teuta Arifit
zv.kryeministre për integrime në qeverinë e Gruevskit, mu kujtua një anekdotë e
cila thotë kështu: në një familje me shumë telashe paskan marrë një nuse dhe
shtëpiakët paskan jetuar në gjendje të keqe ekonomike çdo ditë kanë hëngër
vetëm bukë dhe shllinë, ndërsa nuses gjithmonë i kanë treguar që kjo familje e
tyre është familje me histori të gjatë, e mbarë, autoritative me lavde dhe
çallame të pafundme. Pas 6 muajve i zoti i shtëpisë e pyet nusen dhe i thotë:
oj nuse si të duket ky rendi jonë i shtëpisë dhe nusja duke e parë se në çfarë
gjendje jetojnë dhe fjalët e mdhaja të cilët i thonë vjeritë e kësaj shtëpie ia
kthen: o aga baba lum veshët se çka dëgjoj mjerë sytë çka më shohin.
Kjo
anekdotë më së miri e pasqyron pozicionin e qeverisë dhe e Teuta Arifit karshi
popullatës së Maqedonisë dhe pozicionin e Maqedonisë për hyrje në Bashkimin
Europian. Teuta Arifi me lehtësi të padurueshme një dështim të hyrjes së
Maqedonisë në Bashkimin Evropian e shet si fitore me fraza sterile, me manire
burokratike të para nga çinovnikët e vegjël dhe me paturpësi cakton afate të
ardhshme të pafundme. Kjo avokaturë e së keqes nuk është personale, kjo është
marrje në qafë të qytetarëve në përgjithësi dhe në veçanti të shqiptarëve për
tu bërë pjesë e familjes evropiane. Opinioni është i vetëdijshëm që në këtë
dështim duhet të thuhet diçka, po kjo duhet të thuhet nga ana e Gruevskit dhe
jo nga ana e një reprezentit shqiptar në qeveri. Teuta Arifi nuk ka fuqi ta
çojë Maqedoninë në Bashkimin Europian, kjo është e vërteta, por e vërteta
tjetër është që për një rrogë nuk duhet të bëhet portparoll i megalomanisë
antike maqedonase, ku shqiptarët janë humbësit më të madhej dhe së fundi kur
kjo shqiptarja në qeverinë e Maqedonisë këtë humbje për shqiptarët e shet si
sukses. Fjalët të cilët tani i thotë Teuta Arifi janë kakofoni e dëgjuar vite
me radhë dhe serohen iluzione që pas 6 muajve do të jetë më mirë. Këto 6 muaj
shkojnë e vijnë dhe figurat e njëjta pas 6 muajve do të dalin para opinionit me
pallavra si alternativë e integrimeve në Bashkimin Europian dhe NATO-s.
Dhënia e
postit të eurointegrimeve të BDI-së ishte pjesë e skenarit dhe shfajësimit
makiavelist të VMRO-së ndërsa pozicioni i qëllimshëm apo naiv i BDI-së dhe i
Teuta Arifit që Maqedonia do të jetë pjesë e NATO-s apo BE-së u vërtetua
katërcipërisht kur Teuta Arifi filloi ta ushtrojë këtë post, pengesë ishte
Greqia me konceptin e saj që Maqedonia duhet ta ndrojë emrin. Gjatë ushtrimit
të këtij postit, qeveria Gruevski dhe Teuta Arifi arriti që ti shtojë
kundërshtarët në Bashkimin Europian dhe vetëm prej një shteti tash doli edhe
Bulgaria si kundërshtar edhe Franca edhe Spanja, ndërsa sa më shumë qëndron në
këtë post Teuta Arifi numri i shteteve do të ritet çdo 6 muaj. Këtë Teuta Arifi
duhet ta dijë dhe ajo e luajti rolin e falsitetit të qeverisë, portparollit të
renave të qeverisë dhe rolin e postierit shërbëtor, rrogëtar të qeverisë. Teuta
e kolumnave kur kërkonte që Gruevski të merr vendime politike për ndrim të
emrit dhe kur animonte opinionin se VMRO-ja është parti evropiane kishte qenë
Teuta jo e sinqertë, ndërsa kjo sot është Teuta e vërtetë, është Teuta e
rrogëtarit të VMRO-së.
BDI prej
fillimit deklaronte se është angazhuar që Maqedonia të hyjë në NATO dhe
Bashkimin Europian, në çdo fushatë i kishte teza bazike me deklarimet se BDI-ja
e mban fjalën, ndërsa kjo para disa ditës mbaroi. Tani shtrohet çështja se a do
ta mbrojë BDI-ja dhe Teuta alternativën e aleancës së Maqedonisë me Serbinë dhe
Rusinë ortodokse. Këtë aleancë me Serbinë, Gruevski që moti e trason këtë
rrugë, së fundi e kishte në Kumanovë, këtë ua tha edhe Bulgaria. Me siguri
Teuta e ka dëgjuar.
Në çdo
film, ekziston skenari, regjisori dhe aktori që luan rolin kryesor. Në këta
pozita askund nuk është Teuta, por në filma ka edhe një rol tjetër që ua japin
aktorëve të dorës së dytë, roli epizodist. Teuta këtë rol e luajti shkëlqyeshëm
dhe e kreu detyrën e regjisorit, cila Teutë tjetër e ka radhën?