Zemra Shqiptare

  https://www.zemrashqiptare.net/


Zeqir Lushaj: Jetë të gjatë Flamur e Shqipe

| E enjte, 28.11.2013, 08:40 PM |


Ripublikim

Në mbyllje të Ciklit: -Një jetë luftë, një shekull Pavarësi (17)-

JETË TË GJATË FLAMUR E SHQIPE

Teksti: Zeqir Lushaj
Dita e Arberit (Patriotike, me çifteli)

Në ball të Arbrit ndritë përjetë,
Data e kuqe njëzetetetë (28),
E Nëntorit të historisë,
Dita e madhe, e Pamvarësisë,
Shumë nderim, gjithmonë kësaj dite,
Jetë të gjatë Flamur e Shqipe.

Ooo…Flamuri i Atdheut,
Prush i zemrës së Skënderbeut.
Kur t’valvite Ty flladi i malit,
Shohim dorën e Ismail Qemalit,
Vetimë penda e Naimit,
Flakë naganti i Boletinit.

Gjithë shqiptartë – zemërliri
Nëpër breza t’majtën n’gji,
Zemrat gjakun ta kanë dhanë,
Lavdi Shqipes, gjithë tuj thanë,
I lidh brezat, besa e burrit,
Na lidh puthja n’palë t’Flamurit.

Ooo… Flamur, o nderi i prakut,
Çmimi yt, asht çmimi i gjakut,
Mbi lahutë e n’djep të fëmisë,
Je simbol i shqiptarisë,
Veç një gjak na rrjedh ndër vena,
Gjaku i shqipes me dy krena.

Tiranë, 1985.