Xhavit Gasa: Moj Europë

Xhavit Gasa

MOJ EUROPË

Moj Europë,
Moj Europë.
Kthema borxhin,
Që më ke marrë.
Bashkomi trojet,
Që padrejtësisht,
M'i ke ndarë.
A e harrove kryetrimin,
Skënderbeun legjendar,
Që mbrojti qytetrimin,
Nga sulltanët barbarë?
Po Nënë Terezen madhështore,
Simbol i paqes së kësaj bote.
Janë bijtë e këtyre trojve,
Që ti moj Europë i coptove.
Ka ardh koha mëndjes me i thirr,
Me zgjidh njëherë e mirë padrejtësitë.

ERA

Era që bredh,
Në hapsirën,
Qiellore pa kufij,
Nuk e len,
Detin e qetë,
Dallgët ja përzi,
Herë e qetë,
Herë me tone t'forta,
Lajmet i mbledh,
Nga e gjithë bota,
Herë na kënaq
Me aromë lulesh,
Herë e mbulon,
Gjithçka me pluhur.
Mos na i rrëmbeftë,
Falët era,
Se nuk i len,
Kurrë të qeta.!

VATH NË VESH.

Vera e fortë,
Plas enën e vet,
Guri i keq,
Në themel,
Nuk zen vend,
Një fjalë e keqe,
Zjarr botën ndes,
Janë fjalë të arta,
Këto o njerëz,
Të thëna,
Nga populli i mençur,
Ndaj mbani vath në vesh.
Për gjithë jetën.....