E hene, 14.10.2019, 05:06 PM (GMT+1)

Kulturë » Gorica

Pëllumb Gorica: Mërmërimë e detit mes nesh

E marte, 31.07.2012, 07:34 PM


PËLLUMB GORICA

MËRMËRIMË E DETIT MES NESH


RIVIERA MË BUZËQESH

Riviera më buzëqesh me ëmbëlsi
Prej gjoksit të diellit praruar
Sytë ngjyer në kaltërsi
Dashuria nga blerimi rrri zgjuar.

Një fllad i lehtë të përkëdhel
Një këngë dëgjohet aty pranë
 Bregu i detit valë-valë
 Si një shpirt që ngre vullkan.

Mes  sirenash si muzikë
Me pulbardhat gërvish fjalë
qielli ngjan si mozaik
Gravurë e shenjtë me dallgë.


MBRËMJE  BUZË  DETIT

Gëlon shëtitorja këtë mbrëmje
E mbushur gjithë jetë
Zagushi e freski shpirtëtore
Flak në det afshin e nxehtë.

Kolovitur mbi ëndërra romantike
Hëna kupës qiellore gjithë shkëlqim
Lozonjare, kahera, si një mike
Mes yjesh, vallëzimi i tyre ngazëllim.

Freski kaltëroshe na jep
Kjo buzëmbrëmje me miqtë
Mërmërimë e detit mes nesh
Magjinë na fut në shpirt.


PEIZAZH” LIGJËRIMI

Një ëndërr e keqe klithi
E trembur nëpër natë
Furishëm në breg deti
Si lugat me dallgë.

Hëna,pas reve e çmendur,
Mes kujesh shkuli flokët,
Anekënd tingujt funeber
Në këmbë ngritën ulokët.

Në kortezh ligjëruan valët
Copëza dhimbjesh pa jetë,
Të ngrira mbetën fjalët,
Heshtja mbytet thellë në det.



(Vota: 5 . Mesatare: 3.5/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT