Sejdi Berisha: Sikur për të fundit herë...

Sejdi BERISHA

SIKUR PËR TË FUNDIT HERË...

Ky udhëtim imi arkeologjik
Nëpër shpërputhjet shpirtërore
Mendjen ma rrotullon si në vorbull
Dhe, sikur për të fundit herë
Në oazën e saj pushoj

Djersa si kripë deti
Më del në shpinë
Buka nuk është pazar lodrash
As gjuha relikte e të folurit
Është art shpirti
Mund të jetë mesazh
I gdhendur në hapësirë
Edhe vajtim i frymës sime