E premte, 29.03.2024, 05:49 AM (GMT)

Shtesë » Lajme

U nda nga jeta në mënyrë misterioze Poeti i madh shqiptar Ali Podrimja

E shtune, 21.07.2012, 04:38 PM


Ngushëllime!

U nda nga jeta në mënyrë misterioze Poeti i madh shqiptar Ali Podrimja.

Në lajmet e orës 15, përmes një lajmi të hidhur , mësova se u nda nga jeta, në rrethana të paditura, misterioze, biri i Kosovës martire dhe i Gjakovës, Poeti i Madh Shqiptar, Ali Podrimja.

Aliu kishte shkuar ne Paris per te marre pjese ne Festivalin Poetik te Mesdheut. Qysh prej dates 18 korrik i ka nderprere kontaktet me familjen. Kurse sot u gjend trupi i tij pa jete ne Paris, njoftim te cilin e jep Ministria e Jashtme  Franceze.

E kush mund ta besonte se pas takimit poetik te Jonit ne Sarande, 22-24 qershor, ky shqiptar i madh do te gjente vdekjen ne Paris, vetem 3-4 jave me vone? Ndarja e tij nga kjo jete eshte humbje e madhe per familjen e tij, per letersine tone kombetare, per gjithe njerezit e letrave dhe lexuesit e shumte te tij.

Mua me iku nje mik i mire dhe i mrekullueshem.

Lamtumire Ali, lamtumire miku im!

Ti ike fizikisht, por shpirtin tend te madh, mbrujtur me atdhedashuri, e ke lene ne vepren tende te pavdekshme!

Le te te prehet shpirti ne paqe, o mik!

Ngushellime te sinqerta Fitores dhe tre femijeve te tij te mrekullueshem. Iu dhente Zoti fuqi per ta kaluar kete dhembje te pakrahasueshme!

Me konsiderate per poetin e Kombit, per Atdhetarin e shquar, per Bilbilin qe kendoi shqip, Ali Podrimja!

I paharruar qofte emri dhe vepra e tij!

 

Vilhelme Vranari Haxhiraj - Vlore

 

__________________________________

Ali Podrimja lindi më 1942 në Gjakovë, Kosovë, ku pati një fëmijëri të vështirë.Ali Podrimja është autor i më shumë se dhjetë vëllimeve me poezi dhe mbahet sot nga kritika si përfaqësuesi më tipik i poezisë së sotme shqiptare dhe si një poet me emër dhe në shkallë kombëtare. Botën e vet poetike poeti e artikulon përmes një sistemi figurativ të konsoliduar (veçanërisht me simbolin dhe metaforën) dhe me një shkallë mjaft të lartë ndjeshmërie.

Studjoi gjuhë dhe letërsi shqiptare në Universitetin e Prishtinës, ku dhe jeton aktualisht. Periudha vendimtare për formimin shpírtëror dhe intelektual të poetit janë vitet pesëdhjetë. Më 1957 botoi poezinë e parë në revistën "Jeta e Re". Ishin vitet kur shqiptarët në Kosovë përjetonin njërin nga terroret me të egra të pushtuesit serb, kohën e aksionit famëkeq për mbledhjen e armëve dhe të shpërnguljeve më dramatike të përmasave tragjike për Kosovën dhe shqiptarët (rreth treqindmijë të shpërngulur dhunshëm në Turqi). Poeti rritej dhe piqej në këto kushte, në këtë atmosfere agonie, që e kishte mbërthyer Kosovën.

Qyteti i Gjakovës, ku kishte lindur dhe shkollohej, qytet me traditë të pasur patriotike, ishte më i godituri nga kjo vërshimë policore e UDB-së serbe. Poeti i përfshirë në këtë përditshmëri ndjeu nevojë të rezistojë, të kundërvihet dhe ta stigmatizojë tërthorazi synimin e pushtuesit: Qaj rrafshi im i dashur, qaj! (fjala është për rrafshin e Dukagjinit,) Diellin tënd verbuar e kanë tytat E vatrat shkimbur deri më një... Vargjet janë shkëputur nga poemthi lirik ,Hija e tokës", të cilin Ali Podrimja e shkruajti në vitin 1960, kur ishte gjimnazist.

Një vit më pas, më 1961, Ali Podrimja botoi përmbledhjen e parë me vargje elegjiake Thirrje. Më pas vijnë përmbledhjet Shamijat e përshëndetjeve (1963), Dhimbë e bukur (1967), Sampo (1969), Torzo (1971) etj., deri në veprën e tij mjeshtërore Lum, lumi, (1982), që shënoi një kthesë në poezinë bashkëkohore kosovare.

Në vitet '80 e '90 ai do të vazhdojë të botojë libra poetikë si Zari, Buzëqeshje në kafaz etj., deri te dy librat në prozë: Burgu i hapur (1998) dhe Harakiri (1999). Kur për një poet themi se nuk është konvencional, pra është modern, këtë duhet ta kuptojmë kështu: Ali Podrimja e çliron poezinë shqipe nga disa rregulla metrike, siç është: vargu i thurur, apo nga përmbajtjet si fryma apologjike, brohoritëse e poezisë së pasluftës etj. Por, ai vendos parime të tjera krijuese, siç është vargu i lirë, shqiptimi metaforik, gjuha e ironisë, efikase për të shprehur zona më të errëta apo më të fshehta të natyrës së njeriut.

Synimi i poetit për t'u fshehur përmes reflekseve ezopike dhe për t'i përcjellë ato, duke shmangur ndalesat e jashtme, e nxjerrin në plan të parë mesazhin dhe në plan të dytë atë pjesë të vlerës artistike që arrihet përmes ritmit dhe euforisë. Me rëndësi është të kuptohet, nëse këto parime poetike të Ali Podrimjes, janë parime të një brezi dhe të një kohe dhe duhet të njihen si përvojë. Pa to nuk mund të kuptohet dhe të zbulohet arti poetik nëpër kohë, sidomos për krijuesit e rinj, poetët e mëdhenj janë shkollë, nga e cila mund të mësojnë; janë përvojat, nga të cilat do të nisin ata të krijojnë parimet e tyre poetike.

Poezia e Ali Podrimjes, e përkthyer në shumë gjuhë të huaja, është pranuar e vlerësuar pikërisht për arsye se në thesarin universal të vlerave, hyn bindshëm përmes koloritit të veçantë, përmes botës shpirtërore me individualitetin e vet të formuar, të ndryshëm nga të tjerët.

Përgatiti: Roland Sylemani

 

 



(Vota: 4 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora