E hene, 21.10.2019, 09:20 PM (GMT+1)

Kulturë » Muzikë

Flet Bruna, modelja & këngëtarja e mirënjohur shqiptare

E diele, 15.07.2012, 09:55 AM


Deshirat fëminore & ëndrrat i kam kthyer në realitet ...
 
Nga Albert ZHOLI
 
Quhet Bruna Smulja, por në fakt do të evidentohet me emrin artistik, thjesht BRUNA. Një vajzë e re që për çdo ditë i ngjit me këmbngulje shkallët e profesionit të këngëtares. Talenti i saj u zbulua rasësisht, por ajo mbas këtij momenti ansjehrë s’ju nda këngës. Në shoqëri është e sinqertë dhe dashuria për të është një ndjejnë e bukur që duhet të respektohet.

Për të gjithë ata që e kanë dëgjuar këtë emër të bukur por që s`dinë shumë,  do të mund të na prezantoheni sadopak ?
Përshëndetje të gjithëve, pra une jam Bruna. Dikur Modele, sot këngëtare. Bruna është një vajzë 23 vjeçe por me shumë synime dhe objektiva. Ëndrrat e mia kanë qenë të pafundme por sot, falë punës time janë kthyer në realitet.

 Si dhe kur ka nisur karriera juaj si këngëtare ?
Karriera ime si këngëtare ka nisur para 7 vitesh . Që e vogël më pëlqente të këndoja dhe këndoja nëpër shtëpi. Më pas, një natë teksa kisha dalë me familjen shkuam në një lokal me muzikë live dhe aty këndova për herë të parë. Pashë që u mirëprita nga njërezit dhe aty kuptova se duhej të merresha me muzikë.

 Kënga për ju është pasion, profesion apo biznes ?
Të gjitha nga pak. Sot problemet janë të shumta ndaj dhe profesionet duhet të jenë të shumta.

 Me çfarë po merreni aktualisht ?
Tashmë sapo kam përfunduar klipet e mia te cilat transmetohen në BBF Televizion dhe së shpejti del dhe albumi im i parë.

Si nis dita për Brunën ?
Fillon shumë vonë, pasi jam gjumashe…. ahahhaha. Sa hap sytë dua kafe turke që të më dalë gjumi, e më pas angazhimet ditore.

Na tregoni diçka për jetën tuaj sentimentale. A jeni e dashuruar ?
Sigurisht, zemra ime i përket dikujt. Dashuria të jep forcë për shumë gjëra, madje të jep frymëzim dhe në momentin më të keq. Kjo është magjia e saj.

Si është mashkulli ideal për Brunën dhe c'farë cilësish duhet të përmbushi Ai ?
Pikë së pari duhet të më kuptojë e mbështesi nga të gjitha anët dhe sigurisht, i kulturuar, modern dhe njëçik i bukur. Pra jo deomos të jetë perefkt në bukuri, por dhe i shëmtuar jo. Për mua primare është inteligjenca. Të tillë besoj e kam.

Dimë që ti ke ushtruar dhe profesionin e Modeles, Ku ndihet më mirë Bruna ?
Në fakt tek të dyja, por modelingu është një profesion jo fitimprurës prandaj jam fokusuar me shumë tek muzika. Të qënit fotomodele në Shqipëri më shumë është hobi se sa profesion, ndaj i jam përkushtuar më shumë muzikës sepse është një profesion më popullor, më i lëvruar, më dinamik.

Cila është kënga juaj e preferuar dhe pse ?
Është kënga ime e fundit e cila është së bashku me nje klip, titullohet “I love u baby”. Ka diçka shumë humane përbrenda, ka ndjesinë e të qënit shumë delikate. I pëlqej tekstet me natyrë të ndjeshme njerëzore sepse kanë më shumë natyrshmërti, më shumë efekt tek spektatorët.

Sa rëndësi i kushtoni pamjes tuaj ?
Sigurisht që shume. Eshtë profesioni i tillë. Duhet të respekktoj veten por edhe spektatorin. Skena është e madhe dhe kërkon performacë absolute.

Sot flitet shumë për kirurgjinë plastike. Jeni pro apo kundër?
Unë jam pro për çdo gjë që është  në interes të njeriut. Përderisa diçka egziston s’ka përse të mos e pëlqesh. Këtu s’ka detyrime por preference. Unë jam pro pa asnjë hezitim.

Një debat i madh për martesat gay ?
E thashë dhe më lart, përderisa vendet më të zhvilluara me demokraci të vërtetë e pranojnë, përderisa ka njerëz që e dëshirojnë diçka të tillë, s’ka arsye përse të ndalohet.

Cili është mesazhi juaj për të rinjtë që aspirojnë të futen në botën e muzikës ?
Mbi të gjitha është talenti por kryesorja dashuria për muzikën. Në muzikë s’ka miqësi, as karshillëk, por ka talent dhe punë. Muzika nuk të fal, ajo ose të ofron me të gjithë forcën ose të largon për të mos e takuar më kurrë.

 Kur flitet për modën. A e ndiqni rregullisht dhe kush prej personazheve model ju pëlqen në veshje?
Unë e ndjek rregullisht modën. Harxhoj shumë për veshjen, pasi e kërkon profesioni im. Por dua të them që sot ka shumë këngëtare që vishen biukur, po ashtu dhe meshkuj, ku ndër ta veçoj Hermes Nikaj, balerin & modelin e njohur. Po bëhet një përpjekje ndër të rinjtë që të evidentohen në fushën e modës. Kjo është një diçka e mirë për rininë shqiptare. Të vishesh bukur është kulturë.
 
Ku do ti bëni pushimet?
Në verë ne kemi shumë punë. Kur të kem kohë do pushoj në bregdet. Nuk po bëj programime.
 
Jeni e lidhur me librin?
Ah, libri. Ka kohë që më mungon. Kam qenë shumë e lidhur dhe e ndjej se më mungon shumë. Libri të hap shumë dritare në jetë. Pa të jeta duket pa ngjyrë.
 
Çfarë konsumoni më shumë në verë?
Pije feskuese dhe fruta. Pa to tryeza më duket bosh, shumë e varfër.

Çfarë pëlqeni tek miqtë e tu?
Inteligjencën dhe mirënjohjen. Këto janë baza mbi të cilën lidh miqësi. Kështu lidhen dhe miqësitë e forta.

Vetë gatuani?
Besoj se gatuaj mirë, por nuk kam kohë.
Kur inatoseni më shumë?
Kur më gënjejnë sy më sy. Eshtë bela e madhe kjo gënjeshtër.
 
Me se merreni në kohën e lirë?
Dëgjoj muzikë dhe merrem me veten time. Jeta është shumë dinamike.
 
Jeni penduar që jeni bërë këngëtare?
Asnjëherë jo. Eshtë zëri i zemrës që më ka thirrur të jem e tillë.
 
Femrat janë më xheloze se meshkujt, ju jeni e tillë?
Se besoj. Xhelozia lind kur nuk njeh aftësitë e tua dhe nuk ke gjetur rrugën e duhur.
 
Motua nga e cila udhëhiqeni në jetë?
 Guxo, studjo, vepro dhe kurrë mos nënvleftëso.

 



(Vota: 1)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT