E marte, 22.09.2020, 04:12 PM (GMT+1)

Kulturë » Berisha

Sejdi Berisha: Në tryezën time

E enjte, 12.07.2012, 07:49 PM


P o e z i

Sejdi BERISHA:

NË TRYEZËN TIME...

Në tryezën time ka bukë thekre
Ka bukë misri të ngjyer në lëng
Ka hallvë që e gatuante nëna ime
Për festë bajrami e netë të mëdha

Në tryezën time ka kripë
Edhe spec të kuqe
Që babai i përzinte për apetit
Nga djegësimi qullë i bëhej fytyra

Kjo është ceremonia më fatlume
E jetës sime nëpër kujtime
Sofra prej drurit frashri
Është madhështore e punuar
Nga vullneti e shpresat e babait

Në tryezën time
Nuk ka lëngje frutash
Nuk ka lëngë pjeshke
As lëngë portokalli
Nuk ka as mjaltë
Ka vetëm ujë të ftohtë
Që nga zemra e tokës buron
Që shpirtin freskon 
Që ujitë e rritë lule

Në tryezën time
Ka molla të kuqe-all
Që trungun e tyre
E ka mbëltyer gjyshi 
Babai shtatin ua ka rritur

Në tryezën time
Ka djersë me tharmë jete
Ka arra e lajthi
Që dëshmojnë për timen lumturi

Kështu më kishte rrëfyer im at
Për këtë histori të thjeshtë
Për këtë bereqet të sofrës sonë
Për këtë krenari të tokës sime



(Vota: 8 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora