Arif Kutleshi: Hafizi

H A F I Z I
 (1320-1389)
 (  Nga gjermanishtja i përktheu : Arif Kutleshi )

UNË JAM NJË INSTRUMENT I SHENJTË

I AKORDUAR PRORE, KAH ZOTI-
 QË RRNON MATANË TË GJITHA DIMENSIONEVE

I DEHUR NGA VERA HYJNORE
NGA TOKA U NGJITA LART
NË NJË TAVERNË MADHËSHTORE

TASHTI NGA FRONI KU JAM ULUR, SODIS
DASHURINË HYJNORE MBI GJITHÇKA
ME SYTË E KËTHJELLUR SHKËLQIMTAR

MBI TRYEZËN E NGUSHTË
FAQET E MIA
NË KOHË DHE HAPËSIRË I MBËSHTES

DHE TI MUNDESH
MJEKRËN TIME TË BUKUR, GAZMORE, TË MËNDAFSHT
M´E PREK.

MBRËMË TË PASHË DUKE VALLËZUAR

FILLIKAT, MBI KULMIN E SHTËPISË TËNDE
NDJEJA,QË ZEMRA JOTE
ZHURITEJ PËR TË DASHURIN

PASHË, SE SI SILLESHE
NËN TRËNDAFILIN E BUTË E PLOT RREZE
QË RRINTE VARUR NË NJË HU TË PADUKSHËM
NGA QIELLI

SAORA VESHA RROBAT MË TË MIRA
PËR TË FESTUAR ME TY
ANIPSE MIJËRA KILOMETRA NA NDANIN

SIKUR TË SILLESHE VETËM EDHE DY HERË
NË KËTË SFERË KRISTALORE
DHE PRAPË HIRPLOTË TË KTHEHESHE KAH LINDJA
DO TA HETOJE
SE ZOTI DHE UNË KAQ AFËR TEJE JEMI
DHE NË KRAHËT TANË TË MBAJMË

MBRËMË TË PASHË
PRANË KULMIT TË KËSAJ BOTE
N´VALLËZIM

MË KA MARRË MALLI PËR TY KAQ SHUMË

ZBATHUR PO I NDJEK
 SHENJAT TUA NË BORË

TË CILAT KAHERË
ATJE LART NË MALE RRINË

MË KA MARRË MALLI KAQ SHUMË PËR TY
MADJE PO VRAS MENDJEN
TË NGJITEM VETË ATJE LARTË
KU KURRË KËMBË IMJA S´KA SHKELË

HAFIZ, S´KA NJERI NË KËTË BOTË
QË S´E MERR MALLI PËR ZOTIN

SECILI NGJITET KAH AI
ME AQ DINJITET, GUXIM DHE QËNDRIM
TË TAKATIT

NE JEMI ROJTARËT E BUKURISË SË TIJ

NE JEMI MBROJTËSIT E DIELLIT

EKZISTON VETËM NJË ARSYE
PËRSE NE NË KËTË BOTË
SHKOJMË MBAS ZOTIT

PËR TË NXITUR QESHJEN
LIRINË,VALLËZIMIN DHE DASHURINË

LËSHOJE NJË KLITHMË SKOFIARE NGA BRENDËSIA JOTE
LE TË VIJ TEK UNË
DHE FOL
HAFIZ,
SONTE S ´JAM ULUR NË HËNË
NË KOTËSINË E EMBËL
MË NDIHMO
ZEMRËN MBI SHPIRTIN E MIKUT TA PUSHOJ
MË NDIHMO, MUA PLAKUSHIN
FLATRAT E GJYMTA T´I SHËROJ

NE JEMI SHOQËRUESIT E BUKURISË SË TIJ
NE JEMI ROJTARËT
E TË VËRTETËS

ÇDO BURRË, ÇDO BIMË, ÇDO GJALLESË
ÇDO GRUA,ÇDO FËMIJË,ÇDO PIKË GJAKU
ÇDO NOTË MUZIKORE
JANË SHËRBËTORË TË TË DASHURIT TONË

NJË SJELLËS I GËZIMIT
NJË LAJMËTAR I DRITËS

DIELLI KA NEVOJË PËR NJË TABELË  TË SHENJTË

MBI TË CILËN MUND TA SHKRUAJ VARGUN E TIJ RREZARTË

DHE HAFIZI U SHNDËRRUA NË NJË GUR TË BEKUAR

NËSE MIKU NGA DEHJA E VERËS FILLON TË HUMB EKUILIBRIN
NGA BUZËT I RRJEDH MUZIKA
ATËHERË ATIJ I DUHEN BRIGJE TË GJELBËRTA DHE VALË
NË BOTË, PËR T´IA NDALUR HOVIN FSHIKUT TË DRITËS

PO NDËRTOJ KANALE NËPËR QYTETE
NËPËR FUSHA.PO GURGULLOJ ANDEJPARI
KAH FSHATRAT E VOGËLA
DUKE KËNDUAR

PO I USHQEJ DHE FRESKOJ RRËNJTË E BIMËVE
YJET DHE NJERËZIT

GRATË PO I LAJNË RROBAT E TYRE NË MUA
VIÇAT E EÇTUAR DHE QENTË BRINJËDALUR
PO VIJNË

TË SHOQËRUAR NGA FËMIJË TË HABITUR
SAKAQ DO TË FILLOJMË, TË SPËRKATEMI
E TË PUTHEMI

PO FLUTUROJNË ZOGJËT MBI BRIGJET E MIA
PËR TA SHPALLUR ME GËZIM TË RENË:
´VARGU I HAFIZIT ËSHTË SI NJË BANJO TURKE
NJË SHIKIM I HAFIZIT ËSHTË SI NJË
LARJE E FRESKËT NË DET

ATY KU SECILI MUND TA PASTROJË TRUPIN E TIJ
NË KUMBIMIN E FYELLIT DHE NË
LUMTURI

NË BUTËSINË E RITMIT TIM MAGJEPSËS

PORET E MIA JANË MBUSHUR ME MUZIKËN E TIJ
JAM PËRSHKUAR NGA E VËRTETA
E PABESUESHME´

SONTE JAM NJË PLANET
VIS I RESPEKTUESHËM QË DRIDHET
SEPSE GJITHË DITËN E LUME
KAM VËNË KONTAKTE

ME GRAVITETIN TIM HYJNOR
I TËRHEQ TË GJITHË TË DEHURIT
TË GJITHA ZEMRAT DHE SHPIRTËRAT

PËRPLOT ENTUSIAZËM BISEDOJ ME FJALËT
DHE ME GJUHËN MË TË PASTËR TË QETËSISË

NË NJËMIJË MËNYRA THEM:
´TË DASHURIT E MI, DHE TË GJITHË TË AFËRMIT E MI
JU KOMETËT DHE GALAKSITË
ÇDO AMEBË ÇDO KRIJESË ÇDO BIMË
SILLNI PJATAT KËTU
DHE UNË DO T´UA DHUROJË ZOTIN

EJA ME MUA NË ATMOSFERËN E KULLUAR

NATËN TË PËRCOLLA NË LIQEN KU U ZHYTËM E DOLËM
ME SHPIRTIN TIM TË HABITUR

JAM SI NJË BRESHKËDETI MAGJIKE PËRRALLORE
E CILA NGANJËHERË VALËVITJET E LARGËTA
TË SHKËLQIMIT KRISTALOR I LË PAS KRAHËVE
DHE FSHIHET NË BRIGJET E TUA,
PËR TA LËSHUAR FARËN E VARGJEVE HYJNORE

MË LËRË SONTE TË FSHEHUR
GJITHË UDHËN
DERI NË AGUN E MËNGJESIT

SEPSE UNË PO SILLEM RRETH ZOTIT
NË KËTË ATMOSFERË TË SHENJTË EKSTATIKE

MBAHU FORT
PËR CEPAT LLAMBURITËSE TË LËVOZHGËS TIME TË BRISHT

DHE UNË DO TË RROTULLOHEM PËR TY
SEPSE JAM I MBËSHTJELLË ME KRISTALE TË JASHTËZAKONSHME

TË CILAT NGA THELLËSI TË PAFUNDME TË DASHURISË
I KAM BARTUR ME VETE
EJA MBAS SHENJAVE TË MIA NË ZALLË
QË TË SHPIEJNË MATANË MENDIMEVE DHE HAPËSIRËS

SEPSE UNË MUND TË SHIKOJ NË THELLËSI
DHE TË TË NJOH,
SE VËRTETË NJË ZOG I ARTË QENKE

SEPSE VALLËZIMI, KËRKON
QË SHPIRTI I PËRFLAKUR, TË NGJITET
MBI RREZET E DRITËS
MBI RREZET E FRYMËS

EJA ME MUA, ME DUART TUAJA, ME KRAHËT TUAJ,
ME THEMBRAT E ME BISHTFLETËT
NË DUARTROKITJET E MIA SPEKTAKULARE

EJA ME MUA NË ATMOSFERËN E KULLUAR
TË FALËNDERIMIT PËR JETËN

PËR ÇDO NATË E SHOQËROJ HËNËN KUR DEL
I ÇLODHUR ME LEHTËSI DASHAMIRËSE
ME ZEMRËN TIME QË BËN DRITË

MIKU I MREKULLUESHËM, NJË I JASHTËZAKONSHËM
DEL NGANJËHERË NGA TRUPI I TIJ I PADUKSHËM
DHE SHËTIT PËRGJATË BRIGJEVE TONA

NË MËNYRË QË LËVOZHGËN E TIJ TË BRISHTË E LLAMBURITËSE
TA SHOHIM DHE TA NJOHIM
DHE KURORËN E TIJ TË JASHTËZAKONSHME
TË TRI BOTËVE

OH, MBAHU FORT PËR KINDIN E PETKAVE TË TIJ
NËSE AI NË NJË PODIUM VALLËZIMI ME XHEVAHIRË
RRETH KËTIJ UNIVERSI RROTULLOHET !

SIGUROHU NË ELEMENTET TRANSCENDENTALË
NË SHIKIMIN E TIJ, SEPSE ASHIKU GJITHMONË
DASHURINË E TIJ E RROTULLON

NATËN HAFIZI HYN BRENDA NË ZOT DHE PRAPË DEL
JASHTË TIJ

I LIDHUR NË SHPIRTIN E TIJ TË HABITUR

..................

 
DR. KURT GOSTENTSCHNIGG

JI!

N’atë udhë kërkimi për fat e gas
rue’se gabon me kqyrë përmas
por as përpara shikim i gjorë
për portë të re nuk të jep dorë.
Çka ndodhi dje, si mund ta fshish
nesër qysh merr a mund ta dish?
Hala ‘i mendim pa zanë mirë farë,
ja, tjetri, qet krye mbi tjetër arë.
Atë t’zemrës mister mbretnie m’e gjetë,
paj, rand’ është për ty po ësht’ edh’ e letë,
M’e kcye prej vetes e n’përjetësi
ku rron fikall jetën Këtu e Tashi.

(nga origj./gjer.:përk.: Kujtim Rrahmani)