Albert Vataj: Ndërkallja në dy kohë e Agron Balës

Ndërkallja në dy kohë e Agron Balës

Nga: Albert VATAJ

Mbi librin “Jetë në dy kohë” të gazetarit dhe publicistit Agron Bala.Gazetar dhe publicist, tash autor i një libri. Agron Bala kundrimin e kahershëm e shpërfaq, si agu horizontin e djersitur nga vesa. Qasja, e të cilit tejshkon kohët,siç ceket edhe në pagzimin e libërt, vjen e beh në të tashmën. Një kumt i orendisur nëpërmjet një narrative të kapluar estetikisht dhe të shtrirë në plotëninë e të gjithë dimesionet etike-estetike. I yshtun nga një “amanet” dhe i përkundun në një përvojë të gjatë gazetarie, Bala, guxon pa droje me i thanë hapur, gjanat, deri dje të kyçuna në vetëdijen dhe ndërgjegjen e tij, e që tash shpërthejnë si një dëshmi,dhe si një apel.Ngjarja dhe personazhet pa rakalojnë para retinës së lexuesit si fantazmat në një natë t’shumish. E ndër ta ne gjejmë shëmbëllimin e njerëzve të dashtun, me tansinë e tyne, deri tek rrëfimtorja ngjethëse e murtajës komuniste. Bala, në kohë dhe në horizont orvatet që nëpërmjet personazhesh të godasë me furinë e vetëdijes, atë që kërkon që duke ndjekun frymën, të ndërkallë rrezatimin dritues. Filli i hollë i dy kohëve e përshkon duke na fotografu me gjithseçkanë e vet nji kohë. Kohë që sa nisim me rrëzu në honin e harresës, ai kacarritet e na përballet, tash ndoshta jo me egërsinë dhe makutërinë prej amoku, por gjithsesi drithëruese dhe e shëmtuar.Ndoshta ky hop i autorit, don me thanë. Kishte mujtun ai me kohë e me vakth me ia ba të ditun publikut shqiptar një rrëfimtore të kjartë dhe një frymëzim të rrezitun.

Por ai vendos dhe thotë. Po tash duhet.