| E diele, 03.06.2012, 11:12 AM |
Në pritjen
e dhënë me rastin e largimit të Kongresmenit Barney Frank, pas 25 vjetësh
sherbimi në Kongresin Amerikan, mori
pjesë edhe anëtari i bordit të drejtorëve të organizatës “Shtëpia e Lirisë Shqiptaro-Amerikani”,
z. Mustafa Xhepa, i cili ishte i ftuar nga Kongresistja Nancy Pelosi, udhëheqësia
demokrate e Dhomës së Përfaqësuesve për Kongresin e 112.
Në takimin
e lamtumirës fjalën kryesore e mbajti Kongresistja Nancy Pelosi. Ajo i bëri një
përshkrim impresionues veprimtarisë së paçmuar të Kongresistit Barney Frank në shërbim
të popullit dhe vendit tij. Ndër të tjera ajo tha se Kongresisti Barny Frank ka
punuar pa u lodhur për të drejtat civile dhe çështjet e kohës trashëgimi, e
cila do të jetojë ndër breza.
Për figurën
e Kongresistit Barney Frank foli edhe organizatori i këtij evenimenti,
Kongresisti Jared Polis.
Pas cermonisë mbreslënëse të ftuarit patën mundësinë të bisedojnë në një atmosferë miqësore. Aty z. Xhepa u përshëndet ngrohtësisht nga Kongresistja Nancy Pelosi, e cila e përgëzoi atë për mbështetjen e vazhdueshme që jep organizata “Shtëpia e Lirisë Shqiptaro-Amerikane”.
Udhëheqësia
demokrate e Dhomës së Përfaqësuesve për Kongresin e 112, Kongresistja Nancy
Pelosi dhe Mustafa Xhepa
Korrespondenti
i AAFH