E premte, 15.11.2019, 04:19 PM (GMT)

Kulturë » Kozeta

Keze Kozeta Zylo: Udhëtonit ju Hyjnesha…

E merkure, 23.05.2012, 05:33 PM


Keze Kozeta Zylo

Udhëtonit ju Hyjnesha…
 
Udhëtonit ju Hyjnesha, udhëve të Atdheut,
E bashkë me ju zogjtë shtegtarë,
Me diellin e syve, botën kishit ndezur,
Sa dhe Hëna verbohej e fshihej mbi Himarë...
 
Vetëtimthi u përpitë nga humnerat kuçedra,
Dhe si krahë pulëbardhash ngritë nëpër re...
Ndërsa Qafa e Vishës u thinj e tëra,
Dhe Vlorën me kuje e mblodhët atje...
 
Pranvera hodhi shallin e zi supeve,
Me Petale pikëllimi veshi rrugët e zhveshura,
Trupat jua mbuloi me fustanin e nusërisë,
Ndërsa për dhëndurë, kujtimet e patretura.
 
Universiteti i Elbasanit qirinjtë ndezi,
Për ju Hyjnesha që u ngjitët në qiell,
Ëndrrat tuaja veç gjuhën e zemrës njohin,
Ndaj do të çelin sythe në çdo pemë të mbjellë…
 
Homazh viktimave të cilat janë: Denisa Guzi, Ermira Mana, Aurora Molla, Lindita Kabashi, Joana Debinja, Elsa Daka, Juliana Tola, Armand Halilaga, Pellumb Çela, Fabiola Shehi, Eriola Xhoi, Eranda Baloshi dhe Doriana Stafa.
 
22 Maj, 2012
Staten Island, New York



(Vota: 3 . Mesatare: 5/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT