| E marte, 08.05.2012, 07:19 PM |
KRAH PËR KRAH NË PAVDEKËSI
Teksti nga: Besim Malaj
Kushtuar dëshmorëve të luftës për
çlirimin e Kosovës, dr Hazir Malaj
dhe Ilir Konushevci-
N’sy t’pranverës një ditë marsi,
Nga Prekazi u dha kushtrimi,
Pa u hjek bora e pa dal bari,
O liria, o flijimi.
Një doktor me zemër t’madhe,
HAZIR MALAJ - atdhetari,
Nga Krasniqja e Tropojës,
Bazë e krah i çdo luftëtari.
Amaneti vjen ndër breza,
Krejt Kosova u ba ushtarë,
Sot në luftën bashk-kohore,
Logjistika në plan të parë.
Komandanti Konushevci,
Thotë: - Haziri asht vëllai im,
Natë e ditë e ka me veti,
Në Llap -Drenicë e Dukagjin,
UÇK-ja i shtonte rradhët,
Tuj afru fundin pushtimit,
Beogradi gjithçka bani,
Me i pre rrugën furnizimit.
Qielli nxihet, fiket hana,
Për mbi degë pushon bylbyli,
N’krye t’detyrës luftarake,
Ra Iliri e ra e ra Haziri.
Krah për krah në pavdekësi,
Me i’fjalë n’gojë shkuen të dy:
-Oj KOSOVË, nana SHQIPNI
Jemi të gjallë kur të bahi Një.
./.
malaj.besim@gmail.com
Lavdi dëshmorëve të kombit shqipëtar