| E shtune, 05.05.2012, 11:20 AM |
Pse FYROM-i dhe Vojvoda i ri gjejnë guximin t’i shpallin shqiptarët si vrasës në 2012-ën?
Nga Elvi Sidheri
Me këtë nofkë
njihet gjerësisht në FYROM-land, kryeministri i gjithpushtetshëm i asaj
republike, e cila dikur ishte edhe pjesë federative e ish-Jugosllavisë që patkonjtë
nga dielli i ktheu nja 20 vite më parë.
Bëj fjalë
sigurisht për Vojvodën e ri, një njeri të zgjedhur 3 copë herë si kryeministër
i vendit të tij.
Ylli i
tij i veçantë, nisi të ndritte me forcë, ditëve të errëta kur në të njëjtën kohë
po fillonte të eklipsohej gjithmonë e më tepër një tjetër figurë “epike” e VMRO-së
moderne, ajo e Ljupço “Vojvoda” Georgievski-t!
Ky djalë që
dikur bërtiste “Solun e nash”, pra Selaniku është i yni, duke nënkuptuar kështu
se qyteti më i bukur i Helladhës aktuale (i banuar historikisht nga shqiptarë, hebrej,
grekë e bullgarë), ishte zonë e padyshimtë Maqedonofone, si edhe sllave.
Ky njeri
pra, më vonë kishte arritur t’a ngrinte VMRO-në e zhdukur nga faqja e dheut në epokën
e gjatë Jugosllave, në rangun e një partie që jo vetëm konkurronte denjësisht
me ish-komunistët për pushtet, por edhe dinte që zgjedhjet t’i fitonte më në fund!
Si pasojë
logjike, vetë Vojvoda Ljupço, kryeministër u bë dhe ia nisi që FYROM-landit të tij
t’i thoshte që kokën t’a mbante sa më lart!
Gjë kjo që
ilustrohej perfektësisht edhe në slloganet e fushatave elektorale të partisë së
tij që përherë kulmonin tek fjalët magjike për bashkëqytetarët sllavë të vendit
“gllavata gore”, gjithmonë dhe vetëm kokën lart o popull!
Por për
fatin e tij jo edhe aq të mirë, Ljupçua jonë, s’vuri re se në ndërkohë në atdheun
e tij, pati ndodhur një kryengritje e shqiptarëve të urryer, të cilët tanimë s’ja
varnin kërcënimeve për shfarosje në dhoma gazi, as edhe apartejdit të tejzgjatur
në ish-Republikën Jugosllave, të nisur që në 1912-ën nën bajonetat serbe dhe të
vazhduar rregullisht me zell edhe më të fuqishëm, pas 1945-ës nga Maqedonasit e
rinj.
Vojvoda
si dhe miku i tij i shtrenjtë në armë dhe ide, Brat Lube (Boshkovski), ndërsa të
dy verbërisht ecnin sipas parimit “Gllavata gore”, me kokën lart, humbën
kontaktin me realitetin, duke mos parë më se ku shkelnin dhe në njëfarë pike
shkuan e u gremisën shkëmbinjve, ashtu siç përfundoi edhe pushteti i tyre dhe i
VMRO-së, bashkë me FYROM-landin, që rrezikoi seriozisht të dezintegrohej në 2001-shin.
Por teksa
Vojvoda Ljupço duan të thonë se zdërhallej i pushtuar nga deliri i tij nëpër
kryeministrinë ndënë Vardarit, diku ca kilometra larg Shkupit, në Haraçinë kryengritësit
shqiptarë për ditë me rradhë arrinin t’i rezistonin me një forcë të pallogaritur
tërbimit të sllavëve.
Ata s’pyesnin
as për përqëndrimin në sulmin ndaj atij fshati të të gjithë fuqisë luftarake të
FYROM-landit, të pasuruar edhe me ca palo tanke të ndryshkur bullgarë, dhe të helikopterëve
ukrainas apo avioneve ushtarakë serbë.
Por ndërsa
Brat Lube lëshonte rrufe të vakëta nga goja, duke premtuar shuarjen e
kryengritjes dhe maksimumi që arrinte ishte masakra mbi civilët në Luboten, shqiptarët
që kishin marrë armët, i shtronin rrugët a vendit me kamionë ushtarësh sllavo-FYROM-as,
të hedhur në erë dhe kështu domosdoshmërisht lufta do të përfundonte me një fitore
të plotë të shqiptarëve.
Triumf që
do pranuar se u ndal ndoshta para kohe, pa e arritur komplet qëllimin e tij.
Sepse
rrallë ka ndodhur që në një vend shumetnik, sidomos pasi njera etni (ardhacake)
të këtë shkelur sistematikisht të drejtat e etnisë tjetër, të ketë pasur një konflikt
të armatosur, që të ketë përfunduar me një arsyetim si luftë për të drejta
civile!
Por qartësisht,
as përtej Atlantikut tek dashamirësit tanë Amerikanë e aq më pak në BE, tek ata
që në Perëndim ende duan të na shohin si “të njerkës” neve shqiptarëve, nga të dyja
anët nuk del të jetë dëshiruar që FYROM-landi t’i mbyllte ditët e ekzistencës që
në 2001-shin.
Gjë kjo, nga
e cila sllavët e vendit, sërish gjetën rastin që të përfitojnë.
Sepse kjo
për ta qartësisht përbënte një shans të dytë, për më tepër të pashpresuar gjatë
sidomos verës së 2001-shit, kur ushtria e tyre shpartallohej rregullisht në çdo
përballje me kryengritësit shqiptarë.
Marrëveshja
e nënshkruar buzë liqenit të bukur, në ambientet komode të Vilës Titiste të Biljanës,
sllavët i paraqiste jo si HUMBËS, siç edhe patën qenë gjatë konfliktit të armatosur,
por si një palë ndërluftuese që në fund as kishte humbur e as fituar.
Po në këtë
pozicion të gënjeshtërt shfaqeshin për habi në krahun e kundërt pas një përmbysje
të pamerituar të roleve edhe shqiptarët, të cilët në terren patën fituar me
forcat e tyre dhe në tavolinë duhet të nënshkruanin si të ishin të barabartë me
të mundurit (sllavët) në fushën e betejës.
Që këtu
filloi të dilte në pah edhe ylli personal i sipërpërmendur i Vojvodës se ri.
Katër
vitet pas luftës, në pushtet panë të ngjitej partia majtiste post-komuniste dhe
ish-kryengritësit shqiptarë që fuqinë e tyre luftarake e kishin transformuar në
organizim politik, i cili që në atë kohë e deri akoma sot, vazhdon të dominojë skenën
shqiptare të FYROM-landit.
Por sllavët
e trembur deri në palcë nga lufta e 2001-shit, siç dëshmon me kokëfortësi
historia me sllavët në përgjithësi, e kanë memorien historike të shkurtër dhe
mbi të gjitha selektive!
Ata
gjithmonë zgjedhin sipas preferencës se çfarë duan të mbajnë mend dhe kështu fshijnë
si me gomë të thjeshtë shkollore, gjithë ngjarjet që s’u rezultojnë të favorshme
ndaj tyre.
Dhe për të
ndjekur këtë tendencë të versionit të tyre të kujtesës, kush më mirë se një Vojvodë
i ri, do i ndihmonte që vendin e tyre t’a rilindnin edhe njëherë nga e para dhe
mbi të gjitha këtë rilindje siç tradita e tyre sllave mëson, t’a bënin në kurriz
të shqiptarëve.
Në këtë mënyrë,
por duke përfituar edhe nga abandonimi që Vojvoda i vjetër Ljupço i bëri VMRO-së
nacionaliste, Vojvoda i ri ia doli të merrte si dhuratë partinë dhe iu vërsul
pushtetit si një luan i vërtetë maqedonas, por më dhëmbë keci a qingji gjithmonë
(jo rastësisht me luan të tillë e ka edhe stemën partia e tij).
Fitoi
zgjedhjet që treguan se vitet e fshirjes së kujtesës për humbjen sllave të turpshme
të 2001-shit, kishin kaluar dhe ja nisi punës së zellshme për rivendosjen e
sistemit të preferuar të sllavëve, atë që shqiptarët përherë i sheh si demonër
të këqinj dhe si njerëz për t’u trajtuar pa problem si të dorës së dytë.
Për t’a
zbatuar planin e tij, nuk munguan si edhe gjithmonë nuk do mungojnë, mjaft
shqiptarë që të tillë e shohin vetveten, si njerëz me kompleksin e vjetër sa
vetë historia jonë e gjatë, atë të inferioritetit ndaj çfarëdo dhe kujtdo.
Këtë kompleks
të rrënjosur thellë tek shumë shqiptarë, si serbët, turqit e helenët, e kanë shfrytëzuar
sa herë iu ka ardhur rasti.
Vojvoda
kryeministër dhe paraardhësit e tij sllavo-FYROM-as, kështu kanë pasur një shkollë
të mirë ku të nxjerrin përfundimet e duhura për mënyrën se si të sillen me
shqiptarët.
Filloi
gjithçka me një “Prerodba”, rilindje e përcaktuar të bëhej edhe me hapa të ndryshëm,
e cila sidoqoftë mund të sintetizohet pa shumë mundim me pak fjalë...Rilindje
me 100 hapa, 80 nga të cilat janë hapa të shpejta prej vjedhësi të regjur, që ja
mbath me të katërta pasi ka hyrë pa leje në shtëpitë e fqinjëve (shqiptarë, bullgarë,
grekë) dhe aty ka ndukur ç’ka mundur, histori, heronj e mite dhe me to po
ritenton sërish të mbushë historinë e tij të zbrazur nga çdo fije vërtetësie.
20 hapat
e tjera, janë fshirje e opozitës brenda vendit, armiqësim sistematik me nënshtetasit
shqiptarë, rrënim i ekonomisë së shtetit dhe i jetës së banorëve të tij pa përjashtim
etnie dhe ngritje në nivel zyrtar të çmendurisë personale të Vojvodës
kryeministër dhe i bashkëmenduesve si ai, që shoqërohet me një dëndje me
monumente nga më të lajthiturit dhe të pakuptimtët që ka parë ndonjëherë syri i
njeriut, i shesheve të FYROM-landit!
Ja edhe 100
hapat që na sjellin me vrap deri në ditët e sotme të 2012-ës.
Gati 11
vjet të plota nga konflikti i 2001-shit dhe Vojvoda kryeministër ia ka dalë, sipas
mendimit të tij, t’a kthejë vendin edhe më mbrapa se ç’ishte në prag të asaj
lufte.
Pasi me
shumë pak përjashtime (2007 apo edhe Gostivar së fundmi), s’ka pasur se si t’ia
dalë që të vrasi ndonjë shqiptar zyrtarisht, etjes për shpagim ndaj shqiptarëve
që kanë gjithmonë sllavët të tij, i është përgjigjur me një kriminalizim “në tentativë”
të tyre!
Këtë e ka
bërë me një operacion bombastik, të stilit që vetëm sllavët dinë t’a vënë në skenë.
Jo rastësisht,
në gjuhën tonë të bukur Shqipe, kemi një fjalë me origjinë frënge, Mizanskenë, që
vjen nga “Mise en scène”!
I tillë ishte teatri i fundit i absurdit që u luajt
dhe po vazhdon të luhet fshatrave të Shkupit dhe Ministrive në po atë qytet.
Ndryshimi
me shfaqje të turpshme të këtij tipi që janë luajtur në të kaluarën jo aq të largët,
është se Vojvoda i ri dhe shteti i tij, lojën vrasëse, s’e luajtën më në kurrizin
dhe gjakun e shqiptarëve apo edhe të ndonjë pakistanezi fatkeq si në 2002-shin,
por u ranë në qafë për vdekje ca peshkatarëve të panjohur sllavë.
Peshkatarë
që në vend të ndonjë peshku liqenthi me shije balte, kapën vetëm ca plumba të panjohur
dhe të cilët aty mbetën si viktima të një krimi, i cili do të kujtohet në kohë dhe
dyshoj se pikëpyetje do të ngrejë gjithmonë.
Sepse
edhe 10 vite më parë, Brat Lube, ministër i brendshëm FYROM-as i kohës, u përpoq
të luante të njëjtën lojë.
Ideja
ishte identike, vetëm se Lubes i dhembi mesa duket shpirti, që të gjente si
viktima të sakrifikueshme dhe të hiqte qafe, njerëzit e etnicitetit të tij
sllav.
Ai e
gjeti më të lehtë të bënte shoshë me plumba, ca pakistanezë të gjorë, të cilët
fatalisht kishin gjetur t’i kalonin mespërmes pikërisht FYROM-landit, në rrugën
e tyre drejt perëndimit.
Fabula e
atij krimi shtetëror (pasi pakkush mund të besojë se zotëria e tij Lube, veproi
në kokë të vet pa mbështetje shtetërore), ishte se “terroristët” e vrarë në betejë
“heroike” me luanët maqedonas, ishin muxhahidinë të ardhur për të ndihmuar
kryengritjen shqiptare dhe që do të sulmonin ambasadat perëndimore në Shkup.
Ambasada
që në realitet, verën e 2001-shit ishin sulmuar egërsisht nga vetë sllavët e
FYROM-it.
Askush s’e
mori mundimin t’i besonte kësaj idiotësie në qarqet perëndimore dhe vetë sllavët
FYROM-as, pas pak kohe e demaskuan ngjarjen si një tentativë e dështuar për të nxjerrë
përfitime politike nga VMRO-ja dhe sigurisht për t’u hedhur një dorë faji shqiptarëve
dhe luftës së tyre në 2001-shin.
Përpjekje
të tilla nga sllavët e çdo lloji, janë bërë e do bëhen, s’ka njeriu ç’të habitet
nga kjo gjë.
Serbët
sot e kësaj dite përrallisin për ndihma muxhahidinësh fantomatikë për luftëtarët
shqiptarë gjatë luftës së Kosovës.
Apo po
ashtu janë serbët që këndojnë (kur në të vërtetë duhet të shkulnin flokët nga
dhimbja) për beteja të humbura që nga 1389-a e deri në 1999-ën, duke i kremtuar
me pompozitet humbjet e njëpasnjëshme, si të ishin fitore të mëdhaja.
Vetëm për
luftën e 1999-ës në Kosovë, ka 1001 përralla serbe, që variojnë, që nga përballja
e pakompromis me gjithë botën, ku sigurisht serbët dolën triumfatorë, sadoqë edhe
vetë mund t’a kenë vënë re se vetëm nga jugu u mungojnë nja
Por kjo s’i
pengon, që për të dhënë vetëm një shembull, Betejën e Koshares, t’a paraqesin
si sukses madhështor të tyrin.
Kjo
megjithëse në terren humbën pikën e rëndësishme kufitare, lanë aty sa të duash
të vrarë, pësuan një kapitullim taktik etj.
Në versionin
e tyre, që për më tepër edhe e besojnë seriozisht, UÇK-ja aty, sulmoi e mbështetur
nga tërë artleria e Ushtrisë Shqiptare dhe forca ajrore e NATO-s.
Kjo jo me
qëllimin për të marrë postën kufitare, por për të nisur një pushtim tokësor të Kosovës
nga NATO.
Dhe e
qartë që serbët “trima”, ja dolën të bllokojnë njëkohësisht UÇK, Ushtri
Shqiptare dhe NATO në Koshare dhe mos t’i linin të vazhdonin më tej.
S’po flas
këtu që Amerikanët s’kishin asnjë dëshirë lufte tokësore dhe me serbët denjuan
të luftojnë vetëm nga ajri.
Se po të donin
të hynin nga toka, siç Iraku na mëson, brenda natës ishin jo në Prishtinë, por
edhe në Beograd, padyshim edhe në Dedinje ku Sllobo ëndërronte ende për
hegjemoni serbe.
Sa për
artilerinë e Ushtrisë Shqiptare, maji i 1999-ës në fshatrat e Kukësit (i mirëdokumentuar
me pamje TV), tregon se ç’ishte në gjendje t’u bënte trupave komando serbe, të infiltruara
brenda kufirit shqiptar, të cilët ato ditë panë ç’ishte të luftoje me grykat e
topit e të tankeve, pasi deri atëherë ishin përballur vetëm me kundërshtarë trima,
por të pajisur me armë të lehta.
Sllavët
FYROM-as, s’kanë se si të mos këndojnë të njëjtën këngë debile të kushurinjve
veriorë serbë.
Në luftrat
e ish-Jugosllavisë, ka pasur deri diku infiltrim arabësh, gjatë konfliktit të Bosnjes,
por ajo është një çështje tjetër.
Që vinte
si rrjedhojë e izolimit të boshnjakëve, të cilët të gjendur pa mbështetje
vendesh amë, siç kishin kroatët e serbët dhe pasi çmendurisht e shpallën
vetveten jo si kombësi por si përkatësi fetare, atëherë pritën edhe ndihma njerëzore
nga bota arabe dhe jo vetëm.
Pas lufte
ato celula, u bënë problematike dhe si ka vijuar çështja dihet.
Por
boshnjakët që të tillë nisën të quhen pas konfliktit, duke korrigjuar në këtë mënyrë
gabimin trashanik që patën bërë më parë, sido që të jetë, në fund s’i shpëtuan
nga shfarosja, ndihmësit arabë, por avionët dhe bombat Amerikane që u hodhën
mbi kokat e serbëve, siç më pas ndodhi edhe në Kosovë.-Këto janë punët e tyre
sidoqoftë.
Vojvoda i
ri dhe sistemi i tij i maqedonizmës antike, ka bërë hopin cilësor, tashmë për t’ia
arritur qëllimeve të tij, sakrifikon edhe bashkëkombasit sllavë.
Të ndodhi
kjo sepse s’është më aq e lehtë në FYROM-land, të vrasësh shqiptarë, apo sepse
kështu mendon ai se i arrin objektivat e tij, kjo pak ka rëndësi.
Ajo që ka
vlerë të dihet, është se që njerëz si Vojvoda i ri apo kushdo tjetër në krye të
VMRO-së, në mënyrë që të rrijnë në pushtet në atë vend, ata duhet të nxisin
konflikt me shqiptarët direkt dhe indirekt apo tërthorazi me çdo fqinj tjetër.
Ky është një
fakt me të cilin ne dhe sidomos shqiptarët e FYROM-landit, nevojitet të mësohen
njëherë e mirë.
Bëma të tilla
me terroristë, vrasje makabre etj, duhen pritur domosdoshmërisht të ndodhin dhe
inskenohen apo montohen në të ardhmen, siç ndodhi edhe prillin e kaluar në Smilkovc.
Vojvodës
së ri, për të mbetur në pushtet i nevojitet një konflikt i vazhdueshëm i
brendshëm, i cili jo rrallë do të dalë përtej përplasjeve të vogla etnike nëpër
gjimnaze dhe autobuza urbanë.
Ky lloj
konflikti e mban atë dhe partinë e tij në paqe me votuesit e tij nacionalistë, të
cilëve shija e hidhur e humbjes në 2001-shit, kurrë s’do u largohet dhe të cilët
po ashtu çdokënd që lufton me shqiptarët , e shohin si udhëheqës apo Vojvodë të
vërtetë.
Vojvoda i
ri dhe pushteti i tij “so doverba i nadezh”, pra me besim dhe shpresë, siç ai
vetë deklamonte patetikisht vite më parë, s’janë duke shkuar askund në drejtimin
integrues.
Ndaj dhe
konfliktit të vazhdueshëm të brendshëm, i shtohet një tjetër konflikt i jashtëm,
herë i ngrirë e herë jo.
Konflikt
me Greqinë për emrin, Bullgarinë për gjuhën dhe identitetin dhe Serbinë për
kishën.
Se çfarë pala
sllave do të bëjë për t’a zgjidhur këtë problem i cili rrezikon seriozisht vetë
themelet e brishta të shtetit FYROM, kjo është punë ekskluzive e tyre.
Sllavët
ende përbëjnë njëfarë shumice numerike aty (të ngritur sidoqoftë mbi asimilime
bullgarësh, shqiptarësh të krishterë e myslimanë, vllehësh e deri diku edhe
serbësh kolonë), por edhe ajo për ta s’është më shumë e sigurtë në një këndvështrim
largpamës.
Shqiptarët
nga ana e tyre, nevojitet të jenë të pregatitur për çdo eventualitet.
Dhe
kryesisht duhet të dinë kur është momenti dhe koha që të ngrenë zërin dhe të tregojnë
fuqinë e tyre edhe në kohë të tilla të një paqeje relative.
Politkisht
në FYROM-land, s’mund të ketë qeveri pa pjesëmarrjen e partisë më të madhe në krahun
shqiptar.
Me si kanë
ardhur gjërat dhe me ndarjen e thellë që po ndodh edhe në kampin sllav, partitë
shqiptare janë vendimtare edhe numerikisht në parlament, për të vendosur se
kush do të qeverisë shtetin.
Ky
pozicion i favorshëm dhe fitorja e 2001-shit, duheshin dhe duhen shfrytëzuar
zgjuarësisht, siç deri tani rrallë ka ndodhur.
Prandaj
deri më sot, edhe kaq vjet pas luftës, sllavët vazhdojnë të gëzojnë privilegje
të pamerituara dhe të luajnë ende me fatin e shqiptarëve në FYROM, si pa gjë të
keqe.
Sllavëve
u duhet bërë e qartë se pa shqiptarët, nuk do të mund të ketë as shtet, as
qeveri e as edhe Maqedoni, siç njihet sot të paktën.
Por këtë provë
force, shqiptarët nevojitet të dinë t’a japin kur të jetë nevoja dhe jo
rregullisht të flirtojnë me pushtetin që u lihet nga sllavët, më tepër se të mbështesin
njëri-tjetrin.
Sllavëve
u duhet lënë ajo që është e tyrja, apo edhe ajo ç’u kanë vjedhur të tjerëve, por
jo ajo që është e jona!
Kështu do
ishin shmangur jo vetëm pallavrat nëpër enciklopeditë e tyre, por edhe
monumentet e shqiptarëve si vetë Aleksandri i Madh në mes të Shkupit, si
Justiniani yni Ilir, apo edhe shtëpia bastarde e Nënë Terezës, që si pa të keqe
është lejuar t’a ndërtojnë sllavët dhe ku sado të përpiqesh, s’mund të lexosh
qoftë edhe një të dhënë të vetme se ajo është Shqiptare!
Por, për
sa kohë ka shumë nga ata që kanë të tjera gjëra për të menduar, në vend që të merren
më ruajtjen e kulturës dhe identitetit të tyre Shqiptar, atëherë edhe Vojvoda i
ri dhe shokët e tij, do vazhdojnë me punën e tyre për kriminalizimin dhe dëmtimin
e shqiptarëve.