E enjte, 22.04.2021, 11:11 AM (GMT+1)

Lajme

Bardhyl Mahmuti: Apel komunitetit shqiptaro-Amerikan

E premte, 04.05.2012, 11:26 AM


APEL KOMUNITETIT SHQIPTARO AMERIKAN

Udhëheqësit e Maqedonisë -  MONSTRUM të ri të Ballkanit!

Bashkimi Demokratik Shqiptar përcjell me shqetësim dhunën dhe terrorin shtetëror që regjimi terrorist i Shkupit ushtron kundër popullit shqiptar.
Për dekada të tëra shqiptarët, ndër të tjera, kanë qenë dhe mbeten objekt i eksperimenteve politike të laboratorit antishqiptar në Shkup. Proceset e montuara gjyqësore, të motivuara mbi baza politike, etnike dhe religjioze kanë qenë dhe mbeten instrumente të këtij shteti që nga themelimi i tij e deri më sot.
Shpallja me pompozitet nga ana e Ministrisë Punëve të Brendshme të Maqedonisë  se gjatë operacionit “Monstrum” janë arrestuar 20 pjesëtarë të një grupi «“radikal islamik”, që gjoja kanë vrarë 5 qytetarë maqedonas dhe kinse pjesëtarët e kësaj organizate na paskan marrë pjesë në aksione terroriste në Afganistan, Pakistan dhe se gjoja paskan luftuar kundër forcave të NATO-s» nxori në shesh edhe një herë strategjinë antishqiptare të institucioneve shtetërore të Maqedonisë.
Duke stigmatizuar shqiptarët si “ islamistë radikal” , në prag të Samitit të Çikagos, udhëheqësit e këtij shteti terrorist, që janë shndërruar në Monstrum të ri të Ballkanit,  shpresojnë se do të marrin sinjale pozitive për integrimin në NATO.
Duke njohur mënyrën e funksionimit të institucioneve të këtij shteti, sidomos logjikën e shërbimeve sekrete sllave, Bashkimi Demokratik Shqiptar paralajmëroi rrezikun që për vrasjen e 5 qytetarëve joshqiptar në Smillkovc, njëlloj si në shumë raste të tjera, të detyrohen përmes torturave më çnjerëzore njerëz të pafajshëm që të pranojnë veprat penale që nuk i kanë kryer.
Apelet e vazhdueshme për koordinim të forcave politike shqiptare në Maqedoni për të mbrojtur interesat tona kombëtare mbeten në heshtje të plotë. Bashkimi Demokratik Shqiptar përsërit apelin e domosdoshmërisë së unifikimit të të gjitha partive politike shqiptare, të organizatave politike dhe qytetare, të personaliteteve me peshë në skenën kombëtare që të ndalet terrorizmi shtetëror në Maqedoni.
Meqenëse bashkimi i faktorëve shqiptar në Maqedoni nuk është duke ndodhur dhe si të përçarë nuk jemi në gjendje të mbrojmë asnjë viktimë të terrorizmit shtetëror,  Bashkimi Demokratik Shqiptar apelon publikisht te Komuniteti Shqiptaro Amerikan që të mobilizohen edhe kësaj radhe, si shumë herë në të kaluarën kur e ka kërkuar interesi kombëtar, dhe të sigurojnë një avokat amerikan në mbrojtje të viktimave të reja të proceseve të montuara gjyqësore. Vetëm në këtë mënyrë mund të evitohet që proceseve të montuara gjyqësore «Sopoti 1»,« Sopoti 2», «Brodeci» të mos i shtohet edhe “Rasti Smillkovci”!
 
Bashkimi Demokratik Shqiptar
Bardhyl Mahmuti

3 maj 2012



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora