Fatmira Biçaku: Lamtumirë (Kushtue Ibrahim Rugovës)

Fatmira Biçaku
 
LAMTUMIRË
(Kushtue Ibrahim Rugovës)
 
Atë nuk e vajtuen rrufetë
me krisma e gjëmime,
e vajtuen retë
me bardhësinë e borës.
Pyjet e vajtuen me ligjërimet e vajit,
era me simfoninë e dhimshunisë,
rapsodet me kangët e dhimbjes,
të dashunisë...

Korteu funebër nuk kishte mbarim,
Kaq shumë njerëz nuk ishin pa
në asnjë varrim...
Banderolla dhe Flamur
shpaloseshin në erë...
Rugova dijti t’i bashkojë
të gjithë shqiptarët
si asnjiherë...

Lamtumira e fundit
me breshërima armësh;
tufa me zogj ne fluturim.
Bora shtriu qilimin e bardhë...
Lamtumirë i Dashuni Ibrahim!

Zgjodhi për ZSh. Selim Nengurra
Redaktor