E enjte, 05.12.2019, 05:56 PM (GMT)

Kulturë » Lushaj

Zeqir Lushaj: Vorre krajlash jena ngi

E shtune, 21.04.2012, 03:23 PM


Për “kusherinjtë” e kryeministrit shqiptar
 VORRE KRAJLASH JENA NGI

Nga Zeqir Lushaj

– Kushtuar aksionit të parë me armë të
Lidhjes Shqiptare të Prizrenit, Aksionit
të Gjakovës –

Porta e Lartë, me n’krye Sulltanin,
Mehmet Pashës, ja dhan’ fermanin,
Grada e parë, sa t’mujsh me çue,
Veç shqiptarët , Ti, me na i’shtrue!

Flakë e kuqe asht ndezë Gjakova,
Për dritarje zgjatet kova,
– Aman bre, trima shqiptarë,
Një kovë uji me e ndrrrue me ar.

Col Delia i Geghysenit,
Pushkë e parë e Lidhjes Prizerenit,
Mbi krahë t’shokve, mbi havli,
Për dritarje mrenda ka hi.
 
Tuj vikat tuj kendue, si n’dasëm,
N’i vend t’keq e ka gjetë Pashën,
Ballëpërballë marshallit t’mbretit,
Një djalë-trim, prej Geghysenit.

Tash sa vjet more osmanli,
Vorre krajlash jena ngi,
Plavë–Gucia janë shqiptare,
Nuk i lshojmë për pa dalë fare.

Mos ban nder me tokë të huej
Ç’ka u pat gjetë tri herë në Krujë?
Mos harro, pse u bane shume vjet,
Shpata e Gjergjit asht gjallë apet.

Kush t‘na ngucin, kush t’na prekin,
Kush mbas krahve n’besë t’na presin,
Amanet, t’parët na e kan lanë:
Zjëm me e djegë, barut me i dhanë.
   ./.
Tiranë, 1987
(Nga libri “Fjala mbi tel…”, faqe 57-58)



(Vota: 10 . Mesatare: 5/5)

Komentoni
Komenti:


Gallery

Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora
PËLLUMB GORICA: MURET CIKLOPIKE QË SFIDOJNË SHEKUJT