Zemra Shqiptare

  http://www.zemrashqiptare.net/


Zeqir Lushaj: Djem t’Kosovës,-lavdi paçi

| E marte, 17.04.2012, 07:46 PM |


 

Adem Demaçi, (Mandela i Kosovës)

Para 24 vjetësh

DJEM T’KOSOVËS, LAVDI PAÇI

Nga Zeqir Lushaj

– Kushtuar legjendës kosovare,

Adem Demaçit –

 

Djem t’Kosovës,-lavdi paçi,

Balli i juej, Adem Demaçi.

 

Pse shkrimtari e tha t’vërtetën,

N’burgjet serbe e kaloj jetën.

 

N’burgje t’errta 30-vjet,

Pa dritë të syve Baca mbet.

 

Tuj lyp t’drejta e barazi,

Jeta e trimit kaloi n’qeli,.

 

Thrret Kosova:-Adem, he burrë,

-Emni Yt, asht ba flamur.

 

Jeta jote i tregoi Botës.

Ka Mandelë, në mes t’Europës.

 

Mbushë Kosova krenari,

I ka Demaçat shpi për shpi.

 

Kurrë s’ka morte Dardania,

Do t’fitojë demokracia.

 

Ka me ardhë dita e mbarë,

Për bashkimin gjithë-kombëtar.

           ./.

Tiranë, 1988

(Nga libri “Fjala mbi tel…”, faqe 35)