Zemra Shqiptare

  https://www.zemrashqiptare.net/


Edmond Kaceli: Rruga ime

| E marte, 20.03.2012, 07:09 PM |


Edmond Kaceli

 

Rruga ime

 

-Asaj që duhet t’më dashurojë

 

Rruga ime

Rruga ime i ngjan rrezeve të diellit

ku drita të verbon, të qorron sytë

e bukur.

 

Rruga ime

Rruga ime i ngjan zjarrit përvëlues

ku digjesh, digjesh si prej flakëve

të ferrit.

 

Rruga ime

Rruga ime i ngjan natës pa yje, pa hënë

ku të sundon, të shtyp pesha

e territ.

 

Rruga ime

Rruga ime i ngjan shkretëtirës paanë

ku çmendesh, çmendesh për një

pikë ujë.

 

Rruga ime

Rruga ime i ngjan varrit të mjegullt

ku tretesh, tretesh, bëhesh

hiçgjë.

 

Rruga ime

Rruga ime i ngjan pyllit të virgjër

ku hyn për të mos dalë

kurrë më.

 

Rruga ime

Rruga ime i ngjan…

Kujt i ngjan kaq shumë jeta ime?