Hasan Qyqalla: Testament varri

Hasan Qyqalla

TESTAMENT VARRI*

Mbrëmë flladi i lisave të Dokagjinit

Përkdhel liqejt e Lurës

Telin shkul Kitarës

O sa zëshëm thirra

Çohu Jusuf merrja këngës

Me vargun e dellit

Jo më tha

Djajt ke si hije pas

Ju luta

Çohu Jusuf veç për një varg

Jo më the

Djajt heu medet medet ...  ende kërkkojnë gjak

Të fola unë sufleri yt

Çohu Jusuf pash këtë Diell

Jo më the

Është mot i mugtë gjysmëhënë gjysmëterr

Kur të putha varrin

Kanjusha zhgreh në vaj

E djajtë edhe Dheun don të të hanë!

Koblenz – Shtutgart 17 mars 2012

* Me rastin e AKADEMISË SË 30 – VJETORIT TË VLLËZËRVE GËRVALLA E K. ZEKA