E diele, 18.04.2021, 10:24 PM (GMT+1)

Kulturë » Mërkuri

5 Poezi nga Timo Mërkuri

E premte, 02.03.2012, 08:58 PM


Timo Mërkuri

 

 

Ninulla e fundit*.

 

Kjo zhaurimë e valës mbi ranishte,

kjo zhaurimë e ëmbël e valës mbi ranishte,

o, kjo zhaurimë e valës,

                                     ju betohem

 është ninulla e fundit e nënës sime

 që e këndoi për mua,

                                  fëmijën,

                                               ...ndërsa ikte.

 

 

*-Nënës sime, në përvjetor të ...ikjes nga kjo jetë.

S’di sa vjet kaluan, më duket ...dje.

 

 

Portreti i hallë Sofisë.

 

Veshurë rrobën e zisë, mbi vellon e nusërisë

Jetën qysh e ka branisë*, orëzeza ditëpisë*?

 

*Branisë- tërheq zvarrë.-Pisë=serrë. Këtu, dita e zezë si serra.

 

 

Lotët e atij viti

 

Atë vit,

nënat tona i haruan ninullat

dhe u bënë të gjitha vajtore.

 

Nuk e di sa vite kaluan, por lotët e derdhur

ngrinë në jetën tonë si stalagmite

 që e pikojnë dhimbjen mbi ne çdo ditë.

 

Për sa vite vallë

                                         jetuam e vuajtën atë vit ?

 

 

Ditën e Pashkës së Madhe.

 

Kjo grua me të zeza te porta e kishës

nuk është shën Mëria. Është motra ime

që prêt të ringjallet im vëlla i vrarë.

 

O njerëz, nuk e ndihmoni dot,

lereni të qetë në dhimbjen e saj.

 

Se në zemrën e saj prej motre s’mund të pranojë

që për të varfërit ringjallje nuk ka.

 

 

Të dielat e Marsit

 

O, këto të dielat e Marsit,

këto të dielat e Marsit! Dhe të Prillit.

Këto të diela përkujtimoresh

që shkojnë rrugëve të qytetit tim

                                                    veshur me të zeza.

 

Këto të diela, kam frikë

mos hyjnë në jetën time si plakat e Marsit

dhe ma ngrijnë pranverën përjetësisht.

 

O, po i kam frikë të dielat e Marsit. I kam  frikë.



(Vota: 2 . Mesatare: 5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora