E marte, 19.03.2024, 02:39 AM (GMT)

Kulturë

Skënder R. Hoxha: E thërras kujtimin

E shtune, 25.02.2012, 05:22 PM


SKENDER R. HOXHA

 

E THËRRAS KUJTIMIN

 

1. ZEMRA IME E COPËTUAR

 

Në retë e purpurta

Të agsholeve

Vizatoj Zemrën time

Të copëtuar!...

 

Nëpër shkallë të qiellit

Mezi u ngjitëm

Deri në Mesrrugë…

Ëndrra Ime tragjike

 

Qumështin e zi e pimë

Në gropim të natës

Me lojën

Me gjarpërinj!

 

Ai gjarpri mitik

Me tri krerë

Lëpihej në hijen

E Vdekjes Sime!

 

Unë prapë ringjallem

T’ia kreh flokët

Të Humburës Sime…

 

Copat e Zemrës

T’i bëj NJË!...

 

 

2. JETA

 

Jeta ka kthesa

Ka lakesa

 

Përpjetëza

Tatëpjeta

 

Të drejta

Të padrejta…

 

Jeta sjell gëzim

Sjell trishtim

Merri me guxim!

 

Mundime, tundime…

Jeta sjell mahi

Shpoti

Rrallë njëmendësi!

 

Ajo sjell tradhti…

Jeta të jep

Të merr

Të afron dritë

Të lë në terr!...

 

 

3. ZOGJTË MË SJELLIN NGUSHËLLIM

 

S’besoj se gjurmët tona

Do t’i shlyejnë vitet.

 

As fjalët tona

Heshtjet tona

Nëpër muret e netëve

Të pagoja …

 

E thërras kujtimin

Mosharrimin,

E thërras puhizën e natës

Atje në Bregun e Qarrave

 

Dashuria ime

E shtatëdhjetë e tretë

Jetove pesë vjet

E s’vdiqe kurrë –

 

Zogjtë më sjellin ngushëllim

Me verën e kunguar …

                                         

(Shkurt 2012, Pejë)



(Vota: 15 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora