Demir Krasniqi: Hamdi Bej Ohri (1872 – 1938)

Në 100 – Vjetorin e Pavarësisë së Shqipërisë :

 

KËNGË KUSHTUAR HAMDI BEJ OHRIT ( 1872 – 1938 )

Teksti dhe muzika : Demir Krasniqi

 

N’ jubile t’ 100 - Vjetorit ,

T’ Pavarësisë së Shqipërisë –

Po i këndojmë  Hamdi Bej Ohrit ,

Këtij tribuni t’ historisë .

 

Këtë njeri të madh të Kombit ,

E kujtojmë me krenari –

Përmes vargjeve të rapsodit ,

Për trimëri , atdhetari ...

 

S’ e harrojmë kurrë veprimtarin

E  Rilindjes sonë Kombëtare –

Hamdi  Ohrin – trim shqiptarin ,

N’ mes figurave atdhetare .

 

Bashkë me shokët e idealit ,

Intelektuali mendje ndritur –

Nën flamur t’ Ismail Qemalit ,

Luftëtari i  radhitur .

 

Patriot , flakadan drite  ,

Veprimtar  plot mençuri –

Kërkoi  t’ hapen  shkollat shqipe ,

T’ marrin nxënësit dituri  !

 

Ai sulltan Abdyl Hamiti ,

Mish e shpirt ishte tërbuar !...

Për te Hamdi eruditi ,

Qe armik i përbetuar !

 

Gjatë tërë jetës nuk kurseu  ,

Gjithë çka pati pasuri –

Ia kushtoi çështjes Atdheut ,

Për Liri e Pavarësi !

 

Punët mirë i shkonin dorës ,

Besimtarë që kryente punën .

Delegat  n’  Kuvend të  Vlorës –

Përfaqësoi Ohrin dhe Strugën .

 

Kjo  figurë  emblematike ,

E  Lëvizjes sonë Kombëtare ,

Në momentet dramatike –

Ringjallte  shpresat  shqiptare !

 

Më 28 Nëntor ,

Njëmijë e nëntëqind e dymbëdhjetë ,

Për ngritje t’ flamurit n’ Vlorë –

Ohri  e çoi  këtë trim  t’ vërtetë !

 

N’ shpallje t’ Aktit t’ Pavarësisë –

Hamdi Ohri  me ca  trima

Shkoi  në Vlorë të nënë Shqipërisë ,

Zudi Ohri e Dervish Hima ...

 

Ali Murtezai , Mustafa Baroti ,

Ibrahim Efendiu e Ymer Beu ,

Xhemal  Beu e Nuri Sojli –

Ku po bëhej me Zot , Atdheu  !

 

Në Kuvendin e Vlorës ,

Burrat e mëdhenj të Shqipërisë –

Dëgjojnë  zërin  Hamdi Bej Ohrit ,

Me  mendime  t’ mençurisë !

 

Më njëmijë e nëntëqind e trembëdhjetë ,

Shpërtheu lufta  sllav – barbare ...

Kryengritja e Shtatorit –

Në trevat lindore shqiptare !

 

Në këtë luftë nga  serbë – terrori ,

U çliruan disa qytete –

Dibra, Struga edhe Ohri ,

Malësia e Gjakovës bashkë me Rekën ...

 

N’ aksionet luftëtare –

Kundër forcave sllav – barbare ,

Në rajonet kufitare ,

Luftuan forcat vullnetare !

 

Në këtë luftë kundër mizori –

Mori pjesë Hamdi Bej Ohri ,

Bashkë me Mehmet Pashë Derallën ,

Dheun nën këmbë serbëve ua kallën !

 

Hamdi Ohri , trim i vërtetë –

Deri n’ vdekje s’ pushoi  i qetë ,

Me shqetësime për komb të vet ,

Se çfarë fati po e pret ?!

 

Zemra e tij gjithmonë shqetësohej –

Sa herë Londra që i kujtohej !

Me vendimin që kurrë s’ pajtohej –

Pse Shqipëria të copëtohej ?!

 

N’ vitin nëntëqind e trembëdhjetë ,

Londra mblodhi ambasadorë –

Mori vendim  pa të drejtë ,

Na i copëtoi trojet me zor !

 

Nga kjo Konferencë me famë –

Jashtë kufijve të shtetit amë ,

Shumë qytete e krahina ,

Mbeten shkretë si zogj jetima !

 

Ohri, Dibra e Kërçova ,

Struga , Shkupi e Tetova ,

Manastir  e Kumanovë ,

Gostivar , Preshevë , Kosovë  ...

 

Mbet jetim Plava e Gucia ,

Tuzi , Kraja e gjithë Malësia ,

Mbet Ulqini e Tivari –

Nën këmbë t’ huaja mbet shqiptari !

 

Mbet Gjakova , mbet Prishtina ,

Arta , Preveza e Janina ,

Mbet Morea e Çamëria –

T’ okupuara nga  robëria !...

 

Hamdi Ohri kurrë s’ pushoi ,

Shumë protesta ai i shkroi –

Ndërkombëtarëve ua dorëzoi ,

Atë vendim t’ a  shfuqizoi !

 

Më një mijë e nëntëqind e tridhjetë e tetë –

Hamdi Ohri ka ndërruar jetë !

N’ muajin Nëntor  , ky trim me famë –

Ka ndërruar jetë në Tiranë !

 

Ditën që vdiq atdhetari –

Në Tiranë u mbyll pazari !

N’ shenj nderimi ndaj tribunit –

Për përcjellje n’ banesë t’ fundit !

 

U varros me shumë nderime ,

U nderua me shumë  fjalime .

U bashkua me njerëz t’ pa vdekshëm –

N’ piedestalin e përjetshëm .

 

Gjilan, më 04.02.2012.     Demir KRASNIQI