E enjte, 28.03.2024, 12:02 PM (GMT)

Shtesë » Lajme

Terrorizmi nuk njeh kufij

E shtune, 18.02.2012, 04:24 PM


Nga “SETimes”

 

Reagimet ndaj vendimit për shtetasin gjerman të lindur në Kosovë Arid Uka, 22 vjeç, për vrasjen e dy aviatorëve të SHBA-së që niseshin për në Afganistan në aeroportin e Frankfurtit vitin e kaluar, ka qenë jashtëzakonisht mbështetës. Shumë në Kosovë thonë se vendi duhet të rrisë vigjilencën e tij për të penguar veprime të tilla terrorizmi.

Uka, i cili lindi në qytetin etnikisht të ndarë të Mitrovicës në veri të Kosovës, por u rrit në Gjermani, u kërkoi ndjesë familjeve të viktimave këtë verë, duke thënë se ishte ndikuar nga propaganda islamike në internet përpara sulmit të tij të 2 marsit ndaj një autobusi të Forcave Ajrore të SHBA-së.

“Ajo që bëra ishte gabim, por nuk mund ta zhbëj atë që bëra”, - tha ai më 31 gusht në një deklaratë pasi u lexua padia në gjyqin e tij në një Gjykatë të Lartë shtetërore në Frankfurt.

Uka u dënua me burgim të përjetshëm të premten (19 shkurt).

Gjykata në Frankfurt e shpalli fajtor për dy akuza vrasjeje. Ai u gjet gjithashtu fajtor për tre akuza përpjekjesh për vrasje e dëmtim trupor të rëndë për plagosjen e dy punonjësve të tjerë të shërbimit dhe vendosjen në shënjestër të një të treti përpara sesa pistoleta 9 mm e tij u bllokua.

“Jam i kënaqur. Jam në paqe. Është hequr një peshë e madhe nga supet”, - tha Xho Alden, vëllai i viktimës Nikolas Alden në sallën e gjykatës pas dënimit të së premtes, sipas Fox News.

Nexhmije Hasani-Gashi, kreu i Nismës Dialogu Ndër-Fetarë në Kosovë, një OJQ vendase në Prizren, tha për SETimes se ka një mesazh nga veprimi.

“Terrorizmi nuk ka kufij. Ai është pjesë edhe e vendeve më të vogla. Ky veprim nuk do të ketë ndonjë pasojë në marrëdhëniet e Kosovës me SHBA, as në qëndrimin e njerëzve këtu, por më shumë masa duhen marrë për të luftuar fondamentalizmin brenda Kosovës,” - thotë Hasani-Gashi.

Ferdie Bajraktari, 35 vjeç, një mësuese në Prishtinë, tha për SETimes se ishte e kënaqur me kohëzgjatjen e dënimit.

“Është keq të dëgjosh se një patriot i yti vret njerëz të pafajshëm sepse mund të ishte motivuar nga propaganda. Pjesa më absurde është se këta ushtarë amerikanë kanë kontribuar në paqen e Kosovës sot”, - tha Bajraktari.

“Institucionet duhet të shohin për të parandaluar veprime të tilla”, - tha për SETimes Sahit Krasniqi, 66 vjeç, një polic në pension nga Prishtina.

Raporti i Departamentit të Shtetit të SHBA-së për Terrorizmin në Vende më 2010 tha se, Kosova ka bërë përparim në luftën e saj kundër terroristëve, por duhet edhe më shumë.

“Ndërsa Njësia Kundër Terrorizmit e Policisë së Kosovës është ende duke zhvilluar aftësinë e saj për të kryer operacione të efektshëm kundër terrorizmit, është e nevojshme që të ketë bashkëpunim e bashkërendim të efektshëm mes departamenteve brenda policisë së Kosovës”, - vuri në dukje raporti.



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora