E enjte, 23.09.2021, 07:26 AM (GMT+1)

Kulturë

Vangjush Ziko: Triptik gjeografik

E premte, 13.01.2012, 08:55 PM


TRIPTIK GJEOGRAFIK

 

Nga Vangjush Ziko 

 

ULLINJTË E KRRABËS

 

Dredhon rruga

a dredhon jeta.

Ullinjt' e Krrabës

përshëndetin.

Edhe të vdekurit

dhe të gjallët,

dasmorët

bashkë me qyqarët.

 

Shekuj pas shekujsh

gjithnjë të heshtur.

Përherë

pranverë në blerim.

Në gjethet-veshë

ullinjt' e zinj,

vëthët e miteve

të vendit tim.

 

 

SAHARA

 

Klesidër,

mbyllur mes dy qelqesh,

mes oqeanesh

edhe detesh.

 

Rëra jote

rrjedh mes dy konesh

Kohë moderne

dhe faraonësh.

Dy piramida

një kulm të vetëm

Një kon mat vdekjen,

tjetri jetën.

 

Oazet,

lotët e tu të brengës.

 

 

TUNDRA

 

Qiell i ngrirë

mbahet mbi brirë

drerësh.

 

Kaçubet,

brirë drerësh

varrosur moçalesh të ngrirë.

 

Era,

e tyrja ulërimë,

Kërkon të zgjojë

pranverën hirushe

tulatur

nën akujt

me myshqet.

 

Nata polare mospërfillëse

si perënditë,

gjysmë ditë,

gjysmë natë,

Ndrit me syt' e jeshiltë

të bufit pendëbardhë.



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora