Pjetër Gjini: “Jam veteran!..”

75 vjet ma parë…

PJETER  GJINI

Veterano-mania

“Jam veteran!..”

Sod që po mbushi 27 mote

Nji çerek shekllit e dy terplote

N’sa kremton Shqipja 25 stina

Pranverash t’ lira, me zblue arrina:

Ndër tonat fusha, n’ lumej e male

Tjeter lloj malli jo nuk mund t’ dale,

Kushdo që lindet, që flen e han:

“Asht veteran”!...”

Po, po qe besa, or lum zotnia

Çdo kokë pa leshra o mblue me thija

Që pati rasën ndër dit t’ kalueme,

Me ndi poterën e tok’s robnueme,

Krenar çon zanin deri n’qiell t’ larta

Nën shprehje vaji, mallngjimi, t’zjarrta,

N’altar t’ deshmorvet betimin ban:

“Jam veteran!...”

Ai që n’luftë t’ kombit per lirín shejte

Ndër dit pazari: t’ merkurr’ o t’ ejte,

M’ndoj qoshe mshefun shiste buk t’ xeta,

Franxholla t’ gjata, misre, galeta,

Sod që robnia na mori t’ keqen,

I bien legenit, perplas’ teneqen:

Oeee! Tok’s arbnore, jam fal’ kurban:

“Jam veteran!…”

E shkarpaxhia që njaj asqeri

I mberthej taket shkatrru për mneri,

O ndoj zabitit ngelun pa çisme

Nën dor’ ia rrasi ndonji pal’ t’ grisme,

Dhe metalikun n’ kulet’ e futi:

Sod nalton qafen, gerthet si huti

Milet i dashun, un’për vatan:

“Jam veteran!...”

Ai që te vatra n’ ato stin’ t’ ftofta

Çante pallavra me kshteja t’ ngrofta,

E ndojher’ gjylen gabim ndigionte

Kè mbi ksoll’ t’tijen yrysh kalonte

Tash perse zbardhun porsi pullumbi,

Mbassi rrebeshi jetën s’ ia humbi,

Me fjal’ tinglluese, vikat’ n’mejdan:

“Jam veteran!...”

Burra, perpara të gjith sa jeni,

Bini, qëndroni, me t’drejt’ e keni,

Prandej asht bamun kjo tok’ Arbnore

Për veterana, e tjerë’ kso dore.

Si veterani, - veterinari

Që nji kuart shekllit i kap’ kandari,

T’thrrasin, t’ bërtasin: more aman

“Jam veteran!...”

Pa mu Shqipnia drit’ nuk do t’ kishte,

Shkreti e egër per her’ do t’ ishte,

S’do kish pallate, s’do kishte shkolla,

S’do kishte koka të trasha e t’ holla

S’do kish… s’do kishte…ku ta dij veta,

Nuk dij t’ llafosi or tungjatjeta,

Por t’ tham pa tjeter: m’epni nishan,

“Jam veteran!...”

Edhe i nënshkruemi, kur erdh liria

Kishem filluemun m’u çue n’kamb’ t’mija

Babën prej fisit, nanën shqiptare,

Pra…jam perpjekun?... s’ka dyshim fare.

At-her’ tefteri ku ju do t’ jini,

Do kndoj’ me t’arta edhe TERINI;

…M’lironi rrugën, pse ndryshe s’ban:

“Jam veteran!...”

TERINI

(Marrë nga “Java”, 1937, 17 tetor, f. 22. TERINI asht pseudonimi i P.Gjinit.)

(Nuk asht ba asnj? ndryshim nga originali. Shenim nga Fritz Radovani. 2011.)