E enjte, 28.03.2024, 02:57 PM (GMT)

Kulturë

Vangjush Ziko: Ankandi

E hene, 02.01.2012, 07:08 PM


ANKANDI

 

Vangjush Ziko

 

 

SHTËPITË E AUTOSTRADËS

 

Mbinë shtëpitë

në mes të arave,

buz' autostradave.

 

Jonxhat e gjelbra

u bënë mure.

Tapete,

livadhet.

Kangjella,

kallinjt' e grurit.

 

Buzë rrugës së madhe

janë radhitur

për të shitur

a për të lypur bereqetin.

 

Presin nemitur

djemt' e kurbetit.

 

 

KUKULLA

 

U thinj kukull e fëminisë

në këndn' e vjetër

të shtëpisë.

U thinj me gjyshen bashkë.

U bë kukull plakë.

 

Malli

në syçkat e saj ndrit

Në syçkat qelq a ebanit.

Gjyshja në prehër e nanuris,

I këndon përrallën e fëminisë.

Për qiraxhin' e Grebenesë

që në avion ia hipi mbesën.

Mbesën

dhe motrëzën e kukullës

mbi male,

dete

edhe fushëza.

Ku vetëm zil' e telefonit

mallit të tyre i bën jehonë.

 

Kukulla

me doçkën e saj plastike

I fshin lotin

që i ronitet.

 

 

ANKANDI

 

Nxorra në ankand shtëpinë.

Pres blerësit.

Shes fëmininë

dhe pleqërinë

njëherazi.

 

Gurët e rëndë,

vitet e mia.

Dritaret e qelqta,

kujtimet.

Strehët

u bëjnë hije mundimevet.

Trëndafilat

lotë vese pikojnë

mbi sofatin pas avllisë.

 

Shkruajn' epitafin e shtëpisë

dhe timin

Me hieroglifet e mërgimit.



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora