E diele, 07.03.2021, 09:40 AM (GMT)

Kulturë

Këndofsh gjithmonë, Demir Krasniqi

E premte, 23.12.2011, 08:01 PM


KËNDOFSH GJITHMONË, DEMIR KRASNIQI

 

Teksti : Shaban Çakolli

Këndon : Gëzim Kodraliu

 

-Më 16 Dhjetor 2011, në manifestimin tradicional të Dhjetorit :"ME MË TË MIRËT E VITIT 2011", organizuar nga Drejtoria Komunale për Kulturë, Rini dhe Sporte, nën patronatin e Kryetarit të Komunës së Gjilanit, z. Qemajl Mustafa, në mesin e laureatëve të shpërblyer, ishte edhe bashkpunetori i revistes ZemraShqiptare, kengetari i mirënjohur, Demir Krasniqi, ku në tekstin e "MIRËNJOHJES" shkruhet:

"DEMIR KRASNIQIT PËR KONTRIBUTIN SHUMËVJEÇAR NË SFERËN E ARTIT DHE TË KULTURËS".

Pra, kjo mirënjohje është e dyta e këtij viti, pas "PLAKETËS SË KONGRESIT TË MANASTIRIT" e cila iu dha me rastin e Festivalit tradicional "ZËRI I ALFABETIT 2011" në Manastir të Maqedonisë.

Këto mirënjohje dhe shpërblime, e bëjnë Djalin e Krasniqes se Vendit,të ndjehet krenar dhe të frymojë lirshëm në krijimtarinë muzikore, nga se u dëshmua publikisht që nuk asht aspak i  harruar, as i anashkaluar nga njerëzit e kulturës sonë.

 

Dyzet vjet me sharki n’dorë,

Për Shqipëri dhe per Kosovë,

Mall dhe dhimbje në kangë i shkrini,

Si bilbil, po këndon Demiri.

 

Qyshse fëmij, ju kushtue  kangës

Trashëgim, prej babës dhe nanës

I  këndon bukur, Dardanisë ,

Shkollës, dritës e mbarësisë.

 

I përcjellë  nga shumë hiena,

Këndoj heronj dhe heroina,

Këndoj për Shkodrën, Krujën, Lezhën,

Për Tupallën edhe Medvegjën .

 

Për çdo pëllëmbë të truallit amë,

Që pushtuesi, pat shkelë me kambë,

Shpesh e ndoqën, e burgosën,

Kangen zemrës, s’mun ja hoqën .

 

Si freski i rrjedh melosi ,

Të gjitha veglat, i përsosi,

Mjeshtër në këngë e violinë,

E filloi n’Radio Prishtinë.

 

Tanë kanë pyet nga vjen ky djalë?

E ka Gjilani arsimtar,

E ka kombi veprimtarë,

N’punë e kangë, gjithnjë pishtar.

 

Shpalosë n’shkolla diturinë,

Shpalosë n’oda, historinë,

Me këngë, dhimbjes e gëzimit

Sakrificave, dhe të mërgimit .

 

Këndon veprat që me to mburrem,

Pasuron dhe mbron kulturën,

Dyzet vjet na e freskoj shpirtin,

Luftoj shundin , luftoj kiçin .

 

Ky këngëtarë  edhe krijues,

Dijetarë dhe edukues,

Mjeshtri n’tekst, mjeshtri n’ muzikë

I jep këngës, melos = shpirt .

 

Kënga e tij u bë shkëndijë,

Për artdashësit pa kufij ,

Këtë këngëtarë e burrë fisnik

Krejt ndigjuesit e kan Mik.

 

Kënga e tij, ecën siç nisi,

Me zë t’ëmbël  si fllad lisi,

Shoket e Tu, t’urojnë nga shpirti

Këndofsh  gjithmonë, Demir Krasniqi.

                      ./.

 

(Me disa nderhyrje të vogla në tekst, dhe me informimin per vleresimet e marra nga Demiri, këngën e përcolli per zemrashqiptare,  redaktori ynë në USA, Zeqir Lushaj)

 



(Vota: 6 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora