Dibran Demaku: Lulet çelin në Nëntor

Dibran Demaku

LULET ÇELIN NË NËNTOR

(Heroit kombëtar Hasan Prishtinës

me rastin e ngritjes së shtatorës

së tij në Prishtinë)

Me pushkë e pendë për liri

kishte shkruar ai dikur

e në shtatoren e Pavarësisë

kishte skalitur ai shumë gur

Lulet çelin në Nëntor

në bronz i derdhur vjen më trimi

të gjithë e përshëndesin me dorë

e në bebza shkëlqen gëzimi

Gëzohen rrugët, gëzohen sheshet

gëzon fusha, gëzon mali

fëmijës në djep bulojnë buzëqeshjet

se në Prishtinë po vjen Hasani

Para tempullit të ardhmërisë

nën rreze dielli praruar në ari

nga një cep i Arbërisë

e përshëndet Adem Jashari

Mirë se erdhe burrë i dheut

mirë se erdhe në tokën tënde

përshëndetje prej Skënderbeut

në realizimin e një ëndrre

Të një ëndrre,të një shprese

kat më kat e gur mbi gur

e në rrënjët e një bese

për një gjuhë e një flamur..