E enjte, 28.03.2024, 01:43 PM (GMT)

Kulturë

Vangjush Ziko: Gjoli i magjisë

E hene, 05.12.2011, 07:55 PM


Vangjush Ziko

 

GJOLI I MAGJISË

 

 

NATA

 

Mjelma e zezë mbi liqen

Po lan pendët përmbi valë.

Lan pluhurin ,që lart në qiell,

Nga yjt' e art' iu shkund mbi krahë.

 

Udha e Qumështit  përmes liqenit

Rrjedh si përroi i Edenit.

 

 

MJEGULLA

 

Mbuloi mjegulla liqenin

Si një të vdekuri i hodh savanin.

Por un' e di.

Peshqit nuk flenë

Gjallon belushka  edhe korani.

 

Kallmishta dridhet lakuriqe

Si shtojzovall' e namatisur.

Një vark' e mbetur në ranishte

Me ëndrra peshqish nanuriset.

 

Një guask' e zbrazur prej moluskësh

Me jetë mbushet ajo prapë.

Ronitet mjegulla dhe zhduket.

 

Varg' i Poetit shkreptiu mbi valë.

 

 

LUNDRARI I POZISË

 

Poet,të dehu mëngjes' i gushtit.

Sytë e bronxët me mall t' i mbushi.

 

Një re e bardhë prej qiellit sipri

Ra dhe lundron tok me nositin.

 

Gjaku i kaltër gjoksit iu rrjedh

Res' e nositit mbi liqer.

 

Dhe Ti,Lundrar i Poezisë,

nisesh mes gjolit të magjisë.

 

E ngjyen penën në gjakn' e kaltër

Dhe shkruan vargjet e tu të qashtër.

 

Ritmin e vargut ta matin valët.

Plagët e gjoksit t' i ngrenë dallgët.

 

Veç kaltërsi të kullon vjershës

Tok me florinë zjarr të vjeshtës.

 

Vala a Lyra jote e Orfeut

Buzë liqenit në bronx të ktheu.



(Vota: 1)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora