Sabile Keçmezi-Basha: Çka do bënë pritja pa mua

Sabile Keçmezi-Basha

sabile_basha@hotmail.com

ÇKA DO BËNË PRITJA PA MUA

Në udhëkryq

Qëndron pritja pa mua

Endet e lodhur

Në vertikale

Edhe më tej

Hapat e pritjes

E shpojnë tej për tej

Pritjen... 

Pritja akoma pret

Pritjen

Në thonj të barit

Unë nuk jam aty

As sot as nesër

Për të pritur

Pritjen e bleruar

LIRINË nuse

O zot

E nesër

Çfarë do të bëjë

Pritja pa mua

Në udhëkryq

Të ymrit nopran

ÇKA TË BËJË ME LIRINË

Të kërkoja gjerë në fund të trupit

E në tërë gjeografin e vatanit

në stinët  kallkan

nuk të njoha...

Kur erdhe

Të pash me sytë e mi

Të kuqe

Të blertë

Linde me thermë

Të prita nuse me bajrak

Unë, ti e liria

Ende nuk jemi njohur

Me huqet tona

Më thuaj imzot

Çfarë të bëjë me lirinë

Në këtë ditë të madhe

Unë e ajo

Dashuri të panjohur

TË KUJTOHET

Të kujtohet

Kur të tregoja përralla

Për të ndjekur katallanët

Nga ëndrra jote

Ankthi i natës

Më shtrëngonte në grykë

Feksmi i ditës së pritur

Na rritej nën gishta

Në rrudhat e pritjes

Kujtesa shpalli dyluftim

Me sklerozën hileqare

Të thash

Pulëbardhat herë-do-kur

Do kthehen

Në kullat prej guri

Për të vazhduar lojën...

Me sytë e mi i kam parë

Se në gishtat e ditës noprane

Hidhej vallja e Sardanës

Dalmatja ndërroi përmasat

Ti, qeshe

5 tetor, 2011. Prishtinë