E enjte, 22.04.2021, 12:20 PM (GMT+1)

Kulturë

Dy poezi nga Çlirim Uça

E hene, 03.10.2011, 07:57 PM


Çlirim Uça

 

DIELL ENGJËLLOR

 

Sot, tek vështroja Diellin,

Më erdh i ngrohtë, si ti,

Që kund nuk je në qiell,

Por ndrin n’ horizontin tim.

 

Dielli mbas pak, ja iku,

Por jo e jotja ngrohtësi,

Diell dashnije engjëllore,

Diell që s`njeh natë as ditë

 

E lodhun dita i mbylli sytë,

Ti çuet dhe e unë pa fjetë,

Kuvendojmë e mallëngjehemi,

Ti diell Arbënor, unë biri yt.

 

Nadje, kur më zbardh dita,

Çuet të gjej, prapë çuet,

Me të reja rreze dashunije,

Si drita e jote për gjithë mot.

 

Ai gjith’ shkelqim rrezaton,

Mbi t’ Atdheut horizont

e këtu më sjell ngrohtesi

prej të shtrejtes Shqiptari.

 

 

FLAMURI I RREBELUEM

 

Uleni

Flamurin Kuq e Zi

në gjysmështizë.

Uleni!

Valëvitja e tij
s`ka pse qiellit ia vret sytë,
ndërsa shqiptari

në shekullin e territ, 

labirinteve të Ferrit

të Dantes

asht dhe s`di pse asht,

shpinën kthye,

Zotit, gjuhës dhe Atdheut,

që si keci dridhet

para Lek Kasapit,

e zotnive të tij

dhe miqve të tyne:

anmiqëve shekullorë

faqezijë.

.

Uleni!

Ashtu pikëllimin

le ta shfryej;

për soj sorre,

Ati s’e pat lindë.

E n`zemërim 
le të piskasë
kushtrimin e ngadhënjimit
shkamb me shkamb

bijëve të tij të zemrës:
Ejani!
Merrmëni!
E në ballë me nxirrni,
drejt betejave,
dhamb me dhamb
për tokë, qiell

e liri,
ti poshtë Zot,
unë krah përmbi krye!



(Vota: 5 . Mesatare: 3.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora