Selatin Kaçaniku: Këshillit për mbrojtjen e konsumatorit, z. Izer Arifi, kryetar

MINISTRISË SË TREGTISË E INDUSTRISË

                          -  Këshillit për mbrojtjen e konsumatorit   –

                                         z. Izer  Arifi, kryetar,

Lënda: Përgjigje në letrën Tuaj dërguar më 14.09.2011.

Me shumë respekt ndaj personalitetit Tuaj z. Izer, do të bëj përpjekje

t Ju përgjigjem HAPUR në letrën Tuaj, që e pranova dje, më 14.09.2011,

ashtu siq është e gjithë puna ime e hapur përballë konsumatorit, për

të drejtat, intereset dhe dinjitetin e të cilit pretendoj se kujdesem

dhe i mbrojë

Ju z. Izer keni kërkuar nga unë: “ …JU KISHA LUTUR NESE MUNDENI ME E

SKANUE KOPJEN E CERTIFIKATES SE SHOQATES SUAJ SE ATA NE ARHIVE SI

DUKET E KAN HUMBUR, ME DUHET PER TA KOMPLETUE DOSJEN E ANETARVE TE

KESHILLIT, VENDIMET PER EMRIM ETJ. ...”.

Ju e dini se emrimi i Këshillit për mbrojtjen e konsumatorit është

bërë nga Kryeministri i Kosovës z. Hashim Thaqi dhe se atëherë qenë

bërë të gjitha procedurat e nevojshme. Kthimi prapa dhe përsëritja e

procesit ma bënë gjithë këtë të pakumtimtë dhe të dyshimtë, tendencioz

dhe vazhdim të formave të presionit e të detyrimit për t ju bindur ose

nënshtruar ndokujt, ose për t u larguar ( ja për t më larguar ) nga

Këshilli për mbrojtjen e konsumatorit ?!

Fundja, nëse jeni të sigurtë në bazën juridike të kërkesës suaj, nëse

këtë e keni zbatuar ndaj të gjithëve dhe ndaj të gjithë këshillave e

komisioneve, Ju lutem procedoni njësoj kërkesën me shkrim, por

nëpërmes Zyrës së Kryeministrit të Kosovës i cili më ka emruar në këtë

Këshill.

Po përpiqem t Ju kuptoj se duhet ti zbatoni urdhërat e eprorëve Tuaj

por, me keqardhje po e them se as KONSUMATORI as unë nuk jemi vartës

të MTI-së ose të eprorëve të saj, as nuk jemi në listën e rrogave të

MTI-se, as nuk i bindemi linjës hierarkike të MTI-së ?!

Ne jemi duke ia bërë një shërbim të madh Ministrisë suaj, Shtetit tone

Kosovës, qytetarëve të formatit “ konsumator “  – për ç gjë, si duket,

disa nga zyrtarët ose eprori Juaj, nuk qenkan të vetëdijshëm ose nuk e

kuptojnë. Ju e dini z. Izer se KONSUMATORI dhe unë nuk jemi

përzgjedhur me vullnetin, dëshirën ose preferencën e askujt në MTI, as

të eprorit Tuaj. Ne u “ imponuam “ me punë e me rezultatet konkrete

nga të cilat nuk mundeshit të shmangeni. Se, mos harroni dhe mos

gaboheni: KONSUMATORI qe bërë dhe akoma është e vetmja pikë referuese

në Kosovë për kauzën e konsumatorit ?! Kërkoj falje për humbjen e

modestisë por kam shumë dëshmi, prova fakte…materiale që e dëshmojnë

këtë. Jo vetëm MTI-ja e ka përfaqësuesin e KONSUMATORI-t në një

Këshill, por edhe një dyzinë komisionesh, këshillash, grupesh,

organesh e organizatash e kanë përfaqësuesin e konsumatorit nga

KONSUMATORI ?! Sepse nuk kanë tjetër, sepse  nuk e kanë përmbushur

obligimin nga Ligji për mbrojtjen e konsumatorit, nga Programi për

mbrojtjen e konsumatorit 2010 – 2014 dhe nga shumë Ligje e dokumente

tjerë e që i obligon Ministritë. Në veçanti ato e obligojnë MTI-në për

t i krijuar kushte shoqërisë civile. Dhe kur jemi te kushtet, pra te

përmbushja e obligimeve ligjore, edhe procedurale, pse MTI-ja, ose pse

eprori Juaj z. Izer nuk niset nga përmbushja e obligimeve ligjore të

institucionit tuaj, të përgjegjësive të eprorëve dhe zyrtarëve tjerë

e…pastaj i vie rradha edhe KONSUMATORI-t, edhe mua, edhe…?! E vërteta

MTI si hartuese ligjesh nga ky lëmë ( Ju vet z. Izer jeni hartues,

njohës e konsulent ) do të duheshte të ishte edhe gardien i tyre e jo

ajo vet t i shkelë dhe kjo e keqe të fillojë nga MTI-ja ?!

Pra, vetëm ndjenjë e lartë e filantropisë, e dëshirës për t i

kontribuar Shtetit e Kombit na “ detyroi “ KONSUMATORI-n dhe mua që

për pesë vite rrjesht, pa MTI-në dhe pa Ministritë tjera, dhe pa

donatorë të brendshëm e të jashtëm t i finansojmë angazhimet,

aktivitetet…veprimtaritë tona ?! Për pesë vite bëmë punë, që nëse do

ta krahasojmë me psh.“ rrogën “ e një anëtari të Bordit të KEK-ut

përplot dështime e shkelje ligjesh e standardesh do të ishte  cca

30.000 €/vit. Nëse KONSUMATORI dhe unë për çdo vit i kemi kontribuar

2.000.000 konsumatorëve me nga, të paktën, 10 cent në muaj përfitimi

do të ishte 2.400.000€/vit ose 12.000.000 € për pesë vite. Siq po e

shihni, ky është një kontribut që shprehë një shumë marramendëse

parash në krahasim me humbjet që i bën psh. një anëtar i Bordit prej

150.000 € për pesë vite ?!

Thash se presionet janë të vazhdueshme dhe këtu qëndron njëra nga

arsyet pse kam kërkuar formimin e Ministrisë për mbrojtjen e

konsumatorit. Ndërsa, sa i përket këtij rasti dhe “ dëshirës “ ose të

kapriqos së ndokujt për t më izoluar ia bëjmë kollaj, pa goditje të

ulta e primitive, pa presione, pa ndërmjetëza ?! Nëse ia themi vehtes

se jemi burra duhet t ia dime t ia dalim e t i pleqnojmë punët tona pa

rrezatuar primitivizma e mungesë edukate ?!

“ Njerëzit e mëdhenjë merren me punë të mëdha, njerëzit e vegjël

merren me punë të vogla “. Pra, nëse ndonjë individ nuk e njeh

vetvehten le të analizohet e evaluohet se me çfarë punë merret ? Çudi,

ju në MTI- nuk e kontestoni vëllimin e aktiviteteve, as cilësinë e

hulumtimeve / sondazheve / konstatimeve, nuk deklaroheni se të gjitha

angazhimet i keni gratis ndërsa MTI për afro 7,5 vite të ekzistimit të

Ligjit për mbrojtjen e konsumatorit ( që u lind mu në MTI dhe obligon

edhe MTI-në ) nuk ia ka ndarë asnjë cent konsumatorit taksapagues dhe

gjenerues kryesor të Buxhetit të Kosovës, prej nga marrin rroga

zyrtarët e MTI-se ( e disa prej tyre ) i mbajnë nga disa vende pune ?!

Ju në MTI keni tentuar të formoni, të zgjëroni, të shumzoni numrin e

OJQ-ve që do të merreshin me mbrojtjen e të drejtave, intereseve dhe

dinjitetit të konsumatorit. Nuk ia dolët, pse ? Nuk ia dolët as t i

mbani e t i përkrahni këto ekzistueset, cilat, ku janë ato…pse ?! Me

këso prapaskenash, me” angazhime e kujdese “ të tilla…pretendoni ta

zhbëni shoqërinë civile e cila merret me kauzën e konsumatorit sepse

ndokujt po i penguaka ?! Prandaj edhe ekzistojmë që t ju pengojmë, t

jua prishim  gjumin atyre që shkelin mbi të drejtat, inetreset dhe mbi

dinjitetin tonë !!! Dhe, çka nëse KONSUMATORI ose Selatin Kaçaniku nuk

do të jemi anëtarë të Këshillit për mbrojtjen e konsumatorit ?

Pretendoni të na mbyllni gojën, të na mohoni të drejtën të flasim

zëshëm e t i publikojmë të gjeturat, konstatimet, konkluzat e mendimet

tona ?! Jo, jo. Do të punojmë e do të flasim me të gjitha format, me

të gjitha gjuhët…dhe gjumashët nuk do t i lëmë rehat. Nuk do t ju lëmë

rehat sepse konsumatori ju paguan dhe kërkojmë llogari prej jush !!!

Ju e dini z. Izer, se për hire të bashkpunimit, për hirë të punës së

mbarë të Këshillit…i bëmë ca koncesione…sa për fillim të mbarë. Por

nuk u pajtuam përgjithëmonë: Në këshillin 7 anëtarësh tre janë

përfaqësues të biznesit, të asociacioneve të. bizneseve të cilat në

Statutin e tyre biznesin nuk e njohin si “ konsumator “ ( ?! ), dy

janë përfaqësues të MTI-së ( që do të duheshte të ishte një

superstrukture ekonomike-biznesore, ndërsa, shiquar  nga mënyra se si

e trajton konsumatorin, fitohet përshtypja se MTI-ja e llogaritë

vehten të dënuar sepse nuk, di çfarë të bëj me të ) dhe anëtari i 7-të

është konsumatori. Gjashtë me një për ta mbivotuar konsumatorin

taksapgues dhe gjenerues kryesor të Buxhetit të Kosovës prej nga

finansohet edhe MTI-ja ?!

Afro 2.500.000 konsumatorë në Kosovë përfaqësohen me një organizatë

dhe vetëm me një person ndërsa bizneset ( rreth 50.000 sosh ), të

cilat vehten  nuk e njohin  si konsumatore ( ato vërtetë janë të

tilla, ndërsa vetëm KONSUMATORI me Statut i njeh si të tillë. MTI-ja

ka rrezistuar që këto biznese të kenë edhe statusin e konsumatorit kur

konsumojnë për nevoja vetanake e jo për shitje ose rishitje )

përfaqësohen me 6 anëtarë në Këshill ?!  Kësaj pune i thonë “ me ja

nxjerrë bojën “ ?!

Ku është MTI-ja ose eprori Juaj, kush duhet shpjeguar këtë, si do të

arsyetoheni para konsumatorit z. Izer ?!

Ja një shëmbull interesant z. Izer: Komisioni Parlamentar i Kuvendit

të Kosovës për zhvillim ekonomik…Ministria e zhvillimit, KEK-u, ZRrEE,

Asociacionet e Bizneseve… anise poashtu nuk e njohin “ me letra “

biznesin  si “ konsumator “ debatuan për problemin e energjisë

elektrike dhe për Tarifën “ A + “ për bizneset e mëdha ?!  Siq po e

sheh z. Izer, te ne në Kosovë qenka shumë kollaj për të bërë e për të

ndryshuar ligje, mjafton ta shprehësh vullnetin dhe që pala tjetër mos

të ketë vesh, as mend as gojë ?! Ja që, ju në MTI  qenket të pa fat.

KONSUMATORI dhe unë pretendojmë se i kemi të gjithat dhe, shih çudinë,

nuk ju bindemi dhe nuk do t ju bindeshim  edhe po të kishim donacione

prej jush, prej MTI-së ?!

Me shpresë se çdo gjë është qartësuar, se Ju dhe epërori Juaj do të

satisfaksionoheni me këtë PËRGJIGJE TË HAPUR, Ju përshëndes dhe Ju

uroj suksese.

15.09.2011.       

Selatin Kaçaniku, dhe

     KONSUMATORI, Prishtinë, Kosovë,

     ok.kosova@gmail.com

     044/200-458