E marte, 19.10.2021, 02:54 AM (GMT+1)

Kulturë

Poezi nga Neki Lulaj

E shtune, 17.09.2011, 05:39 PM


Neki Lulaj

 

PRITJA E DHEMBSHME HESHTAKE

 

Si eshkë e tharë, porsi qiriri

Në Shandanët* që digjet

U dogjëm...

E heshtja e ndrydhur

E ndyer, e ndruajtur

Heshtja

Nuk puthet me robërinë.

 

Te vuajturit si një

Kërkonin vaun e Lumit

Duke kërkuar cekëtinë

Që me më pak viktima

Atdheut t´ia sillnin paqën

Ta fitonin Lirinë.

 

Hasmëria nëpër mote,

Si rreshkë plage e shtresuar

Në të çarat e zemrës dhe në shpirt

Nëpër poret e gjithë trupit

Prej hasmërisë

Trup e shpirt rënduar.

 

Shtigjet e thurura nëpër mote

Ishin një Va ku duhej  hy

Me vendosmeri e sakrifica sublime

Një qëllim dhe një shenjtëri

Lugetërve me u dalë në pusi

Qafë e eshtra me ua u thye.

 

T’i vie fundi mizorisë

Se mjaft na u dogj

Në bebzat e syrit dashuria

Na u shtjerr edhe durimi

Ndaj duam të jemi

Zotër shtëpie

Atdheu është vetë Lumturia.

 

(*Shandanët-mbajtëse qirinjsh me formë e me zbukurime të ndryshme.)

 

 

KOHA MË NUK PRET

 

Të këndellen të pakëndellurit,

Të punojnë se koha s` pret

Mos t´përgjumen mos t´mashtrohen

Mitrovica Oqean dhe Det.

Ti zini Istikamët e dijes,

Ju akademikët mendjemprehtë

Nëse duani dhe nëse doni,

Të ndërtoni dhe të gëzoni Shtet.

 

Shlyeni huqet primitive

Bëhuni bashkë si thuprrat e plakut

Kujtojeni vetëm një herë

Betimin e Hipokratit

 

Mos i dëgjoni shumë të tjerët

Ato çka ju thot Evropa

Por dëshmoni se vetë dini,

Të huajtë në vendin tonë

Mos t’i zejë koha.

Kjo e bekuara është e jona,

Oqeani i lumturisë

Djep i përkundur me shekuj

Ninullat e Nanave,

Dhe baladat e trimërisë.



(Vota: 14 . Mesatare: 4/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora