E premte, 29.03.2024, 06:12 AM (GMT)

Kulturë

Demir Krasniqi: Qajë bylbyl

E enjte, 15.09.2011, 06:47 PM


QAJË BYLBYL

 

Qajë bylbyl i dertit ,

Për fushat , për malet ,

Se rruga e kurbetit , bylbyl –

Për ne kurrë nuk ndalet !

 

Qajë bylbyl , për vendin ,

Që po na shkretohet ,

Se plaga e kurbetit , bylbyl –

Për ne kurrë s’ shërohet !

 

Qajë bylbyl , për çerdhen ,

Që po e len shkret ,

Që po ia mbyllë derën , bylbyl ,

Dhe po shkon n’ kurbet !

 

Qajë bylbyl, për këngën ,

Që t’ mësoi gjyshi yt ,

Që rruga e kurbetit , bylbyl ,

Ta ndali në fyt !

 

Qajë bylbyl , për nënën ,

Që mbet me lot n’ faqe ,

Se nga loti i saj , bylbyl –

Nuk çelë lule n’ bahçe !

 

Qajë bylbyl , për babën ,

Që po të verbërohet ,

Se nga malli yt , o bylbyl –

Loti nuk shterohet !

 

Qajë bylbyl , për motrën ,

Që të pret në derë ,

Që kush s’ ia shkelë votrën , bylbyl –

Deri n’ tjetrën verë !

 

Qajë bylbyl, për vëllaun ,

Që mbeti krahë thatë ,

Që ia theve krahun , bylbyl –

E le si të ngratë !

 

Qajë bylbyl , për shkronjat ,

T’ shtrenjtën Abetare ,

Se n’ dhe t’ huaj shqiponjat , bylbyl ,

Nuk fluturojnë fare !

Qajë bylbyl , për mbesa ,

Qajë bylbyl për nipa –

Do t’ përziejnë martesa , bylbyl ,

Do t’ harrohet shqipja !

 

Qajë prindërit që t’ presin

Me mall e me zjarre ,

Se një ditë do t’ vdesin , bylbyl –

S’ ka kush t’i lëshon n’ varre !

 

Qajë bylbyl , prej vitesh ,

Qajë për kurbetçarët ,

Se një ditë prej ditësh , bylbyl ,

Do t’ na humben varret !

 

Gjilan, më 01.09.2011.           Demir KRASNIQI



(Vota: 7 . Mesatare: 4.5/5)

Komentoni
Komenti:


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora