FBI: Arrestohet shqiptari, ndihmoi grupin terrorist

NEW YORK- Një shtetas shqiptar akuzohet nga autoritetet amerikane se ka ndihmuar një grup terrorist, i cili ndërmeerte veprime kriminale ndaj forcave ushtarake amerikane.

Sipas zyrës së FBI, Agron Hasbajrami synonte të bashkohej me një grup xhihadist, i cili ka vrarë ushtarë amerikan.

Për të arritur qëllimin e tij Hasbajrami kishte dërguar mbi 1 mijë dollarë në Pakistan për të mbështetur grupin terrorist.

Plani i shqiptarit ishte zbuluar nëpërmjet mesazheve të dërguara në email një pike  kontakti në Pakistan, i cili do të ndihmonte lidhjen e Hasbajramaj me terroristët.

Në mesazhet e shkëmbyera zbulohet dëshira e shtetasit shqiptar për të vdekur si martir.

Agron Hasbajrami u arrestua në aeroportin ndërkombëtar të Kenedit, në Nju Jork, ndërsa po bëhej gati të hypte në avion për në Turqi.

Nëse shpallet fajtor nën akuzat për mbështetje materiale për grupet terroriste, ai mund të dënohet me 15 vjet burg.