E enjte, 28.03.2024, 08:56 AM (GMT)

Kulturë

Demir Krasniqi: Këngë për Smail Sfarçën dhe Ukshin Kovaçicën

E hene, 05.09.2011, 04:01 PM


Demir KRASNIQI

 

 

KËNGË PËR SMAIL SFARÇËN

 

N’ vitin nëntëqind e njëmbëdhjetë –

U lind trimi i vërtetë.

Ai Smail Sfarça n’ Nedakoc –

N’ krejt Vushtrrinë nuk kishte shoq !

 

N’ ato vuajtje t’ fëmijërisë ,

Në Maxhunaj të Vushtrrisë –

Shkollë fillore kreu n’ serbishte ,

Shkolla shqipe atëherë s’ kishte !

 

Kish prejardhjen prej Toplice ,

Kur në kohën e Muhaxherisë ,

Na i përzunë shkijet e Serbisë –

N’ Nedakoc erdhën ngatë  Vushtrrisë .

 

Disa vjet këtu  kanë   jetua ,

Nisen mbarë për të  punua ,

Por s’ i lanë rahat me rrënua –

Shumë zullumet  ua  kanë lëshua !...

 

Mbi  shqiptarët  bitevi –

Kriminelët serbo – sllavi ,

Bëjnë zullume  me fuqi  ,

Me i shpërngulë me dhunë n’ Turqi !

 

Këtij zullumi s’ mund  i qëndruan –

Shiten tokën e n’ Turqi shkuan !

Por n’ Turqi  s’ ishte  Xheneti –

Vuajtja , skamja e kiameti !...

 

Për mos me i hi  n’ hak familjes –

Lanë Turqinë - iu kthyen vendlindjes !

Ishin  terë me lëkurë e  koc –

Der’  sa  u kthyen në Nedakoc !

 

N’ Nedakoc , ku  qenë  përpara –

Nisi mirë t’ ju  prijë  e mbara !

Bashkë me forcat përparimtare –

Nisi punën atdhetare !

 

Pas Luftës së Dytë Botërore –

N’ aktivitete ideore ,

Ju rrek punës arsimore ,

Kontributeve kulturore ...

 

N’ kohën e okupimit gjermanë ,

Smail Sfarça  -  ai zemër gjanë ,

Me metodat ma taktike –

Zhvillon aktivitete politike !...

 

Në Maxhunaj dhe n’ këto katunde –

E emëruan Kryetar Komune !

Kryetar , ai , sa ka qëndroi –

Shumë për popull  kontribuoi !...

 

Ndihmoi popullin në punësim,

N’ rrugë të drejtë e n’ përparim ...

Krahas buke , krahas  kripe –

Kishte hap shumë shkolla shqipe !

 

Komunistët kur kanë fitua –

Prapë Smail Sfarçës i kanë afrua  ,

Si ka qenë – ta drejtojë punën ,

Në Maxhunaj  t’ udhëheqë Komunën !

 

Por do kushte ia kanë shtrua ,

Që këto Smaili s’i ka pranua –

Për me u bë  si qen me bisht ,

Vegël e pushtetit komunist !

 

- Qofshi t’ poshtër , ju komunistë ,

Se  nuk jam unë gjak i pistë !

S’i kam pas babë , as babagjysh ,

Që t’ punoj me f’tyrë t’ dyfishtë !

 

Smail Sfarça në kamë a çua –

Armën n’ krah e  paska shkua  ,

N’ Ballë Kombëtar me u bashkua ,

Shaban Polluzhës me i ndihmua !

 

N’ Ballë Kombëtar , sa u bashkua –

Luftëtarë , trim u  dallua –

Kundër bandave çetnike drazhiste ,

Partizane  e  komuniste  !...

 

Smail Sfarça , nip i Toplicës –

S’ iu nda  Ukshin Kovaçicës !

Deri n’ vdekje qëndroi si burrë –

Idealit s’ iu shmang kurrë !

 

Idealit patriotik –

Deri n’ fund i mbeti besnik !

Idealit kombëtar –

I shërbeu si luftëtar !

 

  vitin  dyzet  e shtatë ,

Kishin bërë një punë të gjatë ,

Një bunker e kanë ndërtua –

Armikut me i rezistua !

 

Në Vllahi kah  Mitrovica –

Ahmet Selaci e Ukshin Kovaçica  ,

N’ barrikadë    atë bunker ,

Për t’i shti armikut tmerr !

 

Por, shumë kohë nuk ka kalua –

Këtë bunker e kanë hetua  !

Komunistët  i kanë rrethua –

N’ atë bunker  ku janë  strehua !

 

N’ atë bunker ku bëjnë strehimin –

Bacë Ukshini  me djalë -  Hashimin,

Ahmet Selaci dhe Smail Sfarça ,

Që s’ duan shapka , as shajkaça !...

 

Komunistët janë mundua

Me metoda me i mashtrua –

T’ gjallë në dorë me ju dorëzua ,

Për me i vra e torturua !

 

Por ,  këta trima nuk mashtrohen –

Për t’ gjallë shkaut s’i  dorëzohen !

Ja kanë nisë me iu rezistua –

Me komunistë për  me luftua !

 

Luftë e rreptë këtu ka fillua ,

Heroikisht këtu kanë qëndrua !

Kanë vra shumë çetnikë drazhistë ,

Partizanë e komunistë !...

 

N’ luftë me çetnikët e Serbisë ,

Në bunker , n’ atë fshat t’ Vllahisë ,

T’ gjithë këta trima t’ shqiptarisë –

Ranë n’ altarin e lirisë !

 

Kur u vranë trimat kombëtarë –

Mori vesh Kosova mbarë !

Komunistët fort janë gëzua –

Ja kanë nisë krejt me festua !

 

Morën  trupat e pa jetë –

Po i shëtisin poshtë e përpjetë !

N’ Mitrovicë e në Vushtrri –

Njerëzit e vdekur i kanë shtri !

 

Mu në shesh n’ mjedis Vushtrrie –

Me i pa shkina , me i pa shkije ,

Se luftëtarët e Ballit Kombëtar ,

Asnjë ma nuk janë të gjallë !

 

Shesh me shesh i kishin qitë –

Si pikturat n’ ekspozitë !

N’ ekspozitë -  trimat shqiptarë ,

Porsi Krishti në Kalvarë !

 

Ndjeu  Vushtrria e Mitrovica –

U vranë  Hashim e Ukshin Kovaçica !

U vranë  Smail Sfarça  e Ahmet Selaci ,

  armiqve -  zemrat ua plasi !

 

Shih çka banë armiku i zi –

Varrosë trimat me tinëzi !

N’ oborr t’ pyjeve në Vushtrri –

N’ varr masiv i paskan shti !

 

N’ varr masiv ,  në atë oborr –

I varrosin 14 dëshmorë !

Këta dëshmorë t’ Ballit Kombëtar –

N ’ Lupç  e n’ Zogaj  ishin vrarë !

 

Pesëdhjetë e tetë  vite kanë kalua –

Varri masiv është zbulua  !

T’ gjithë ju shkuan  n’ rivarrime –

Si dëshmorë  iu  bënë   nderime !

 

Në Bletajë të Vushtrrisë –

Pushojnë trimat e lavdisë !

Luftëtarët e lirisë –

Pararojë e gjithë Shqipërisë !

 

Gjilan, më 01.09.2011.           Demir KRASNIQI

 

*****Rapsodia është thurë në bazë te të dhënave historike nga profesor Hilmi Saraçi.

 

 

KËNGË PËR UKSHIN KOVAÇICËN

 

N’ atë katund si mal me borë ,

Që e ka emrin Bajgorë –

U lind Ukshin Kovaçica ,

Që e njeh gjithë  Mitrovica .

 

Në Bajgorë ,  n’ atë shpi fshatare ,

N’ atë familje atdhetare ,

N’ kushte t’ rënda u rrit Ukshini –

Lum Kosova e  Dukagjini !...

 

N’ Kovaçicën  tonë kreshnike –

U rritë n’ frymën patriotike .

Në atë kullë t’ ngritur  prej guri –

U kalit si burrë prej burri .

 

N’ atë familje atdhetare –

Për mikpritje , traditë bujare ,

Me ide përparimtare ,

Për trimëri , mbrojtje kombëtare ...

 

N’ kullë prej guri -  mori frymëzime ,

Me krerë t’ vendit  bënte takime –

Vendin tonë se si  ta mbrojnë ,

Si armikut t’i rezistojnë ?!

 

Që kur erdhën aty gjerman’t –

E emëruan Komandant !

Komandant xhandarmërie –

Në Karaçë , n’ atë rreth Vushtrrie .

 

Në Gojbulë e në Sllatinë ,

Për gjithë fshatrat n’ atë rrethinë ,

U vu n’ mbrojtjen e shqiptarëve –

Për t’iu dhënë ndihma  gjithë fare !

 

Gjatë luftës partizano – komuniste –

Me gjuhë t’ pushkës, Ukshini fliste !

Në aradhet partizane –

Ish bashkua  trimi i kësaj ane .

 

Me aradhet çlirimtare –

Kundër forcave reaksionare !

Kundër forcave serbo – çetnike –

Mbi këto troje tona etnike !

Partizanët çetnikë – barbarë ,

Me qëndrim antishqiptarë –

Shpejt Ukshini i kishte kuptua

Dhe prej tyre ishte largua !

 

Mori armën e doli n’ male ,

Për të shtrenjtat ideale –

Iu bashkua forcave luftëtare

T’ rezistencës kombëtare !

 

Me këto forca -  Ukshin bacit,

Ju bashkua Ahmet Selaci !

Komandant i “Divizionit t’ Ibrit” –

Krah i fortë iu bë  ma t’ mirit !

 

N’ ato male t’ Mitrovicës ,

Bash te “Reka e Kovaçicës “ ,

Bash si n’ Lumë, ai Mahmut Daci –

Lufton n’ Shalë ,   Ahmet Selaci !

 

Ahmet Selaci , ai yll i shpresës –

Shumë luftoi der ‘  n’ fund të jetës ,

Kundër forcave armike ,

Komuniste serbo – çetnike !

 

Mbrojtën   Shalën e Mitrovicën ,

Bashkë me Ukshin Kovaçicën ,

Me Smail Sfarçën  dhe luftëtarë

T’ rezistencës kombëtare .

 

Në muajin Mars , Dyzet e Shtatë ,

Ukshin Kovaçica  me Ahmet Selacin ,

Me  shumë trima  dhe  Smail Sfarçën –

Nuk durojnë n’ këtë vend shajkaçën !

 

Në Cerajë dhe në Vllahi –

N’ një bunker t’ gjithë ishin hi ...

Në shumë fshatra t’ Mitrovicës –

Qëndrojnë trimat e Ukshin Kovaçicës !

 

Por një  ditë ishin zbulua –

N’ vend qëndrim , ku janë strehua !

Partizanët i kanë rrethua –

Kanë nisë trimat me rezistua  !

 

 

Si kala n’ bunker qëndrojnë ,

Si rrufe trimat luftojnë ,

Të pa epur rezistojnë ,

S’ munden  armiqtë t’i  pushkatojnë !

 

Fortë armiqtë po mundohen ,

Që t’i  bindin e t’ iu dorëzohen !

Por malësorët nuk mashtrohen ,

As të gjallë nuk ju dorëzohen !

 

Sepse trimat nga këto male –

Janë t’ pa thyeshëm n’ ideale !

S’ i tremb plumbi i armikut ,

S’ i trembë shpata e serb – çetnikut !

 

Kanë vendosë të rezistojnë –

Deri n’ vdekje të qëndrojnë !

  këtë luftë me shkaun e pistë –

Vranë çetnikë e komunist !...

 

Në këtë luftë  me këta  barbarë –

U vranë trimat -  luftëtarë !

Në atë luftë u vra Ukshini ,

Bashkë me te i biri Hashimi  ...

 

Ahmet Selaci e Smail Sfarça –

Nga  çetnikët me shajkaça !

Dhe shumë tjerë që s’ kanë pranua –

T’ gjallë n’ duar t’ shkieve me u dorëzua  !

 

Gjilan, më 01.09.2011.           Demir KRASNIQI

 

*****

Rapsodia është thurë në bazë te të dhënave historike nga profesor Hilmi Saraçi .



(Vota: 6 . Mesatare: 5/5)

Komentoni
Komenti:

Video

Qazim Menxhiqi: Niset trimi për kurbet


Gallery

Pëllumb Gorica: Magjia e bukurive të nëntokës sulovare
Fotaq Andrea: Një vështrim, një lot, një trishtim – o Zot sa pikëllim!
Pëllumb Gorica: Grimca kënaqësie në Liqenin e Komanit
Shkolla Shqipe “Alba Life” festoi 7 Marsin në Bronx
Kozeta Zylo: Manhattani ndizet flakë për Çamërinë Martire nga Rrënjët Shqiptare dhe Diaspora